قازاقستاننىڭ كورىكتى جەرلەرى تۋرالى باعدارلاما حالىقارالىق سىيلىققا يە بولدى

None
None
 استانا. قازاقپارات - «Kazakh TV» تەلەارناسىنىڭ «OutdoorKZ» باعدارلاماسى تابيعاتتى قورعاۋ سالاسىنداعى «Sheep Show 2019» كونۆەنتسياسىنىڭ ارنايى سىيلىعىنا يە بولدى، دەپ حابارلايدى قازاقپارات ءتىلشىسى «حابار» اگەنتتىگىنە سىلتەمە جاساپ.

«Sheep Show 2019» كونۆەنتسياسى «Wild Sheep Foundation» قورىمەن بىرىگىپ ۇيىمداستىرىلادى. بۇل قور الەمدەگى جابايى تۇياقتى جانۋارلار مەن ارقارلاردى ساقتاپ قالۋ ماسەلەسىمەن اينالىسادى. ا ق ش- تىڭ نيەۆادا شتاتىنداعى رينو قالاسىندا وتكەن حالىقارالىق شارادا باعدارلاما اۆتورى ءارى جۇرگىزۋشىسى ماكسيم ليەۆيتين ماراپاتتالىپ، ونىڭ قازاقستان جانە ورتالىق ازياداعى ارقارلاردى ساقتاپ قالۋ بويىنشا ازىرلەگەن ەڭبەگى ەرەكشە اتالىپ ءوتتى» دەلىنگەن حابارلامادا.

 OutdoorKZ - بۇل قازاقستاننىڭ ۇلان- بايتاق دالاسى، كورىكتى جەرلەرى مەن جابايى تابيعاتىنا ساياحات جاسايتىن باعدارلاما. «ۇيىمداستىرۋشىلار ءبىزدىڭ باعدارلامانى قاراپ شىعىپ، كەيىن ءبىزدى كونۆەنتسيادا بايانداما جاساۋعا شاقىردى. شاراعا تابيعات قورعاۋشىلارى، بيزنەسمەندەر مەن تانىمال تۇلعالار، جالپى سانى 1000 نان اسا ادام قاتىستى. ءبىز وندا قىسقاشا بەينەروليك كورسەتتىك، وسىلايشا ورتالىق ازياداعى جانۋارلاردى قورعاۋعا ارنالعان جۇمىسىمىز سىيلىققا يە بولدى» ، - دەيدى ماكسيم ليەۆيتين. ونىڭ ايتۋىنشا، حالىقارالىق تابيعاتتى قورعاۋ ۇيىمى قازاقستاننىڭ جانۋارلار الەمىن قورعاۋ ماسەلەسىنە دە باسا نازار اۋدارادى.

«جابايى جانۋارلاردى وزدەرىنىڭ تابيعي ورتاسىندا ءتۇسىرۋ وڭاي ەمەس. ادام اياق باسپايتىن جەرلەرگە بارىپ، اپتالاپ ءساتتى كادر كۇتەسىڭ. بۇل تاجىريبە جابايى تابيعات تۋرالى ءبىلىمىڭ مەن تەليەۆيزيالىق شەبەرلىگىڭ ءبىر جەردە تۇيىسكەندە جينالادى» ، - دەيدى ول. باعدارلامانى «Kazakh TV» تەلەارناسىنان نەمەسە kazakh-tv.kz سايتىنان تاماشالاۋعا بولادى.

Қазақстанның көрікті жерлері туралы баÒ

Қазақстанның көрікті жерлері туралы баÒ

سوڭعى جاڭالىقتار