ولىمگە ەرتەگى ايتىپ بارعان جازۋشى

None
None
استانا. قازاقپارات - يانۋش پولياكتىڭ كورنەكتى ۇستازى، جازۋشى، دارىگەر ءارى قوعام قايراتكەرى. ول وزگەنى قۇتقارىپ قالۋ ءۇشىن ءوزىنىڭ ءومىرىن امان ساقتاپ قالۋدان ءۇش رەت باس تارتقان ادام.

العاشقى جولى يانۋش پولشانى جاۋ باسىپ العان كەزدە وزگەلەرمەن بىرگە كوشىپ كەتپەي، جەتىمدەر ءۇيىنىڭ بالالارىمەن بىرگە قالىپ قويادى. ەكىنشى جولى ول ۆارشاۆالىق گەتتودان قاشىپ كەتپەي، ءوز وتانىندا قالادى. ال ءۇشىنشى كەز ونىڭ باتىلدىعىن كورسەتەتىن وقيعا ەدى. جەتىمدەر ءۇيىنىڭ بالالارىن لاگەرگە جەتكىزۋ ءۇشىن ولاردى ۆاگوندارعا تيەپ جاتادى. سوندا جاۋ اراسىنان ءبىر وفيتسەر يانۋشتى بولەك شىعارىپ: "مەن ءسىزدى تانيمىن. «كورول ماتيۋش» دەگەن شىعارمانى ءسىز جازدىڭىز عوي؟ مەن بۇل كىتاپتى بالا كەزىمدە وقىپ، قاتتى ۇناتقام. ءسىز بوسسىز. مەن ءسىزدى جىبەرەمىن"، - دەيدى. سوندا ول: "بالالار شە؟ "، -  دەپ سۇرايدى. "بالالار لاگەرگە كەتەدى. ال ءسىز ۆاگوننان ءتۇسىپ قالۋىڭىزعا بولادى"، -  دەگەندە «قاتەلەسەسىز. ولاي ەتە المايمىن. بارلىق ادام وڭباعان ەمەس» ، -  دەپ جاۋاپ بەرگەن ەكەن. ال وسى وقيعادان كەيىن اياۋلى ۇستاز ترەبلينكا كونتسلاگەرىندە بىرنەشە كۇن وتكەن سوڭ وزىمەن بىرگە كەلگەن بالالارمەن بىرگە گاز تولعان كامەراعا كىرەدى. ولىمگە بالالارمەن كىرگەن كەزدە ول ەكى قولىمەن ەكى بوپەنى ۇستاپ الىپ، ولاردى الداندىرىپ ەرتەگى ايتىپ بەرىپ جاتىپ قازا تاپقان. قيىن- قىستاۋ زاماندا كورچاكتىڭ ادامدىق قاسيەتى ءارقايسىمىزدا دا تابىلسىن دەگەن ويمەن ونىڭ جاس اتا- انالارعا بەرگەن 10 وسيەتىن ۇسىنامىز: يانۋش كورچاكتىڭ جاس اتا- انالارعا قالدىرعان وسيەتى

 1. بالاڭنىڭ ءوزىڭ سياقتى نەمەسە ءوزىڭنىڭ قالاعانىڭداعى ادام بولعانىن كۇتپە. ونىڭ سەن سياقتى ەمەس، ءوزى بولىپ قالۋىنا كومەكتەس.

 2. بالادان وعان جاساعان جاقسىلىعىڭنىڭ قايتارىمىن كۇتپە. سەن وعان ءومىر سىيلادىڭ، ول ساعان قارىزىن قالاي قايتارا الماق؟ ول وزگەگە ءومىر سىيلايدى، ال وزگەسى تاعى بىرەۋگە سىيلايدى -بۇل قايتارىمسىز العىس زاڭى.

 3. قارتايعاندا قاتتى نان جەپ وتىرعىڭ كەلمەسە، ءوزىڭنىڭ رەنىشىڭ مەن وكپەڭدى بالاعا تاڭبا. نە ەكسەڭ، سونى وراسىڭ.

 4. ونىڭ قيىندىقتارى كەزىندە ونىڭ دەڭگەيىنە ءتۇسىپ، كومەكتەس. ءومىر اركىمنىڭ ءوز الىنشە تىرشىلىك ەتۋىنە بەرىلگەن. سەنىڭ كورىپ جاتقان قيىندىعىڭدى ول دا كورۋى مۇمكىن. ءتىپتى ونىڭ قيىندىعى سەنىكىنەن ارتىق. سەبەبى، ونىڭ تاجىريبەسى جوق.

 5. قورلاما!

 6. ۇمىتپا، ادامنىڭ ەڭ ماڭىزدى كەزدەسۋى -  ونىڭ بالاسىمەن كەزدەسۋى. ولارعا كوپ نازارىڭدى سالۋدان ەرىنبە. بالانىڭ قانداي بولىپ وسەتىنىن بىلمەگەندىكتەن، ءبىز كىممەن كەزدەسەتىنىمىزدى بىلە المايمىز.

 7. بالاڭا جاقسىلىق جاساي الماساڭ ءوزىڭدى قيناما، ءبىراق ەسىڭدە بولسىن: مۇمكىندىگىڭ بولىپ تۇرسا دا بالاعا ايتەۋىر بىردەڭە جەتپەيدى.

 8. بالا - سەنىڭ ءومىرىڭدى تارتىپ الاتىن تيران. ءدال وسى مۇمكىندىك ساعان ومىردە بەرىلگەن ەڭ ۇلكەن سىي-سەن سول سىيدان وت شىعارا الۋىڭ كەرەك. بۇل اكە مەن انانىڭ ماحابباتى. ونىڭ جانىن اتا- انا ساقتاۋعا الادى.

 9. بوتەن ادامنىڭ بالاسىن دا جاقسى كورىپ ۇيرەن. ءوز بالاڭا نەنى قالاماساڭ، وزگەنىڭ بالاسىنا دا سونى جاساماۋعا تىرىس.

 10. بالاڭ قانداي بولسا دا: دارىنسىز، قابىلەتسىز، باقىتسىز، ءتىپتى ەسەيگەن كەزىندە دە -  جاقسى كورەتىن بول. بالامەن سويلەسكەندە قۋاناتىن بول، سەبەبى بالا سەنىڭ مەرەكەڭ. ازىرگە سەندە بۇل مەرەكە بار.

Massaget.kz

سوڭعى جاڭالىقتار