ديماش پەن دانەليانىڭ امەريكالىق شوۋداعى قارسىلاستارى انىقتالدى

None
None
 استانا. قازاقپارات - ينتەرنەت جەلىسىنە امەريكالىق تەليەۆيزيالىق The World"s Best تالانتتار شوۋىنىڭ الداعى شىعارىلىمىنىڭ انونسى جاريالاندى.

 انونس روليك كادرىنان قازاقستاندىق ورىنداۋشىلار ديماش قۇدايبەرگەن مەن دانەليا تولەشوۆانىڭ شوۋداعى قارسىلاستارىنىڭ كىمدەر ەكەنىن كورۋگە بولادى.

 الداعى تۋردا ديماش قۇدايبەرگەن مەن كاتوليك موناح ايەل كريستينا ءوزارا مىقتىنى انىقتايدى. ال دانەليا تۋلەشوۆا مۋزىكالىق باتلدا ءبىر قولدى سكريپكاشى مانامي يتومەن كۇش سىناسادى.

 The World's Best باعدارلاماسىنىڭ قازاقستاندىق ورىنداۋشىلاردىڭ قاتىسۋىمەن وتەتىن ەكىنشى شىعارىلىمى 20 - اقپاندا استانا ۋاقىتىمەن ساعات 8.00 دە امەريكالىق CBS ارناسىنان كورسەتىلەدى.

ەسكە سالا كەتسەك، كونكۋرستىڭ العاشقى تۋرىندا جاس ءانشى دانەليا تولەشوۆا 96 ۇپاي الدى. ال ديماش قۇدايبەرگەننىڭ ونەرىن قازىلار 98 ۇپايعا بايعالادى.

 ديماشتىڭ قارسىلاسى موناح ايەل كريستينا 1988 -جىلى يتاليادا دۇنيەگە كەلگەن. 2014 -جىلى The Voice of Italy شوۋىنا قاتىسىپ، فينالدا جەڭىسكە جەتتى.

مانامي يتو - جاپون سكريپكاشىسى. ول ءبىر قولى جوق بولسا دا پروتەزبەن مۋزىكالىق اسپاپتا وينايدى. ول ەكى رەت پاراليمپياداعا قاتىسقان. بۇدان بولەك ول مەدبيكە بولىپ جۇمىس ىستەپ، ءبىر قىزدى تاربيەلەپ وتىر.

سوڭعى جاڭالىقتار