جاپون تەڭىزىندەگى داۋلى ارالدا سوڭعى تۇرعىن قالدى
81 جاستاعى كورەي كيم سين يول كۇيەۋى كيم سونمەن بىرگە 1991 -جىلى ارالعا كوشىپ كەلگەن. ونىڭ كۇيەۋى 2013 -جىلى قازاندا كوز جۇمدى. ولاردىڭ ليانكۋرگە قونىس اۋدارۋى وڭتۇستىك كورەيا ءۇشىن «سەۋلدىڭ ارالعا دەگەن ەگەمەندىگى» سيۆولى رەتىندە باعالاندى.
بۇل جۇپتان بولەك ارالعا 40 قا جۋىق كورەي قىزمەتكەرى ورنالاسقان. الايدا كيم سين يول مەن ونىڭ كۇيەۋى جىل بويى ارالدا ءومىر سۇرەتىن جالعىز رەزيدەنتتەر بولدى.
ايەل كۇيەۋىنىڭ ولىمىنەن كەيىن ارالدان كەتۋدى جوسپارلامايتىنىن ايتتى. قازىرگى تاڭدا ءۇيدىڭ جوندەۋ جۇمىستارىنا بايلانىستى وعان پحوزاندا تۇراتىن قىزىنا ۋاقىتشا كوشۋگە تۋرا كەلگەن.
2017 -جىلعا دەيىن كيم سين يول كاسىبي سۇڭگىگىش رەتىندە جۇمىس ىستەپ، تەڭىز ونىمدەرىن ساتۋمەن كۇن كورگەن.
2012 -جىلدىڭ جازىندا داۋلى جەرگە وڭتۇستىك كورەيا پرەزيدەنتى لي مەن باك (2008-2013) كەلگەننەن كەيىن ليانكۋر ارالى تۋرالى شيەلەنىس باستالدى. ونىڭ ساپارىنان سوڭ جاپونيا سەۋلدەگى ەلشىسىن ەلىنە شاقىرىپ الدى. 11 - تامىزدا توكيو ب ۇ ۇ حالىقارالىق سوتىندا بۇل ماسەلەنى شەشۋدى ۇسىندى. الايدا سەۋل باس تارتتى.
ليانكۋر ارالىن كورەيادا - توكتو، ال جاپونيادا - تاكەسيما دەپ اتايدى.