ادامنىڭ تابىستى بولۋى گەنىنە دە بايلانىستى - عالىمدار

 استانا. قازاقپارات - «تابىستى بولۋ ءۇشىن ەرتە تۇرۋ كەرەك. ەرتە تۇرۋ جۇمىس ونىمدىلىگىن ارتتىرادى. بارلىق تابىستى ادامدار تاڭەرتەڭ ەرتە تۇراتىن بولعان. ەرتە تۇرساڭىز، دەنىڭىز ساۋ بولادى. ءسىز ءومىرىڭىزدى باقىلاۋعا الاسىز».

قازىر مۇنداي ۇرانداردى ءجيى ەستيمىز. BBC باسىلىمى ەرتە تۇرۋدىڭ تابىستى بولۋعا اسەرى بار ما دەگەن سۇراققا جاۋاپ ىزدەپ كورىپتى.

«تاڭەرتەڭ ەرتە ويانۋ - سيقىرلى تاياقشا ەمەس. ەرتە تۇرۋ ۇنەمى ۋاقىت جەتىسپەۋشىلىگىنەن ارىلتىپ، ۋاقىتتى باسقارۋعا كومەكتەسە الادى دەگەن قاتە پىكىر. Apple كومپانياسىنىڭ باسشىسى تيم كۋك تاڭەرتەڭ ەرتە تۇرىپ، پوشتا تەكسەرەدى. وپرا ۋينفري مەديتاتسيا جاساپ، سپورتپەن اينالىسادى. ءتۇرلى زەرتتەۋلەر دە تاڭەرتەڭ ەرتە تۇرۋ مەن تابىستى بولۋدىڭ اراسىندا بايلانىس بارىن انىقتادى. دەگەنمەن، تابىستى بولۋ ەرتە تۇرعاننان ەمەس، گەننەن دە بولۋى مۇمكىن» ، دەپ جازادى باسىلىم.

اۆتوردىڭ ايتۋىنشا، Nature Communications جۋرنالىندا جاريالانعان زەرتتەۋ ناتيجەسىندە عالىمدار 700 مىڭ ادامدى باقىلاپ، تابىستى بولۋعا اسەر ەتەتىن 350 گەنەتيكالىق فاكتور بار ەكەنىن انىقتاعان.