قار، بوران، كوكتايعاق: دەمالىس كۇندەرىنە ارنالعان اۋا رايى

 استانا. قازاقپارات - الداعى دەمالىس كۇندەرى بوران سوعىپ، جاۋىن- شاشىن بولادى، دىمقىل قار جاۋادى، دەپ حابارلايدى قازاقپارات قازگيدرومەتكە سىلتەمە جاساپ.

اتلانتيكالىق تسيكلونمەن بايلانىستى وڭتۇستىك سيكلوندار مەن اتموسفەرالىق فرونتتاردىڭ اسەرىنەن ءسىبىر انتيتسيكلونىنىڭ سىلەمدەرى بۇزىلادى، بۇل قازاقستاننىڭ كوپتەگەن وبلىستارىندا اۋا رايىن بۇزادى. دەمالىس كۇندەرى جانە دۇيسەنبى كۇنى رەسپۋبليكانىڭ باتىس، سولتۇستىك، ورتالىق جانە شىعىس وبلىستارىندا قار جاۋىپ، بوران سوعادى. باتىستان كۇشتى جەل تۇرۋى مۇمكىن. وڭتۇستىك، وڭتۇستىك- باتىس جانە وڭتۇستىك- شىعىس وبلىستاردا جاۋىن- شاشىن، جاڭبىر، دىمقىل قار، كوكتايعاق كۇتىلۋدە. قازاقستاننىڭ بارلىق اۋماعىندا تۇمان ساقتالادى. اۋا تەمپەراتۋراسى كليماتتىق نورمادان 2.. .5 گرادۋسقا جوعارى بولادى.