10:41, 16 - اقپان 2019 | GMT +6
الەمنىڭ ءبىرقاتار ەلى تابيعي اپاتتان زارداپ شەگۋدە
استانا. قازاقپارات - پەرۋدە تولاسسىز جاۋىن مەن تاسقىن كەزىندە قازا تاپقانداردىڭ سانى ارتىپ، 15كە جەتتى. اپتا بويىنا تولاستاماعان نوسەر ەلدە الاساپىران تۋعىزعان.
مىڭداعان ادام باسپاناسىنان ايىرىلىپ، تۇرعىندار ۇيلەرىن تاستاپ قاشىپ جاتىر. يۋريماگۋاس قالاسىندا كوپتەگەن عيماراتتى سۋ باستى. قازىر اپات ايماقتارىندا قۇتقارۋ جۇمىستارى جۇرگىزىلىپ جاتىر. ال بوليۆيادا وسىنداي نوسەر مەن سۋ تاسقىنىنان 21 ادام وپات بولدى. تاعى 11 تۇرعىن ۇشتى- كۇيلى جوعالعان. جاۋىن ەلدەگى جولدىڭ 80 پروتسەنتىن شايىپ كەتتى. ايتا كەتەيىك، بۇعان دەيىن چيلي بيلىگى دە قولايسىز كۇن رايىنان ەلگە 90 ميلليون دوللار شىعىن كەلگەنىن مالىمدەگەن ەدى.