ەلوردادا قوعامدىق كولىكتە جولاقى تولەۋدىڭ تاعى ءبىر جۇيەسى ەنگىزىلدى
كومپانيانىڭ رەسمي سايتىنداعى اقپاراتقا سايكەس، استانالىقتار SENIM موبيلدىك قوسىمشاسى ارقىلى QR كودتى سكانەرلەۋ ارقىلى جولاقىنى تولەي الادى. موبيلدىك قوسىمشادا سكانەرلەۋگە ارنالعان ءتيىستى تۇيمەشە بار. سونىمەن بىرگە، قوسىمشانىڭ كومەگىمەن جولاقىنى كەز كەلگەن بانك كارتوچكاسىنان تولەۋگە بولادى. «استانا LRT» كومپانياسى بۇگىندە SMS/QR كود بويىنشا جولاقى تولەۋدىڭ بىرنەشە ءتۇرى بارىن ەسكە سالادى. موبيلدىك قوسىمشالار:
1) Homebank HalykBank جانە Qazkom كارتالارى ارقىلى عانا.
2) SMSBUS (تەلەفونداعى بالانس نەمەسە بانك كارتاسى ارقىلى تولەۋگە بولادى؛ كەز كەلگەن بانك كارتاسىن بايلانىستىرۋعا مۇمكىندىك بار) .
3) My Beelin Beeline ابونەنتتەرى ءۇشىن قولايلى. جولاقىسى تەلەفون بالانسى ارقىلى تولەنەدى.
4) OYBY (بانك كارتاسىمەن تولەۋ؛ كەز كەلگەن بانك كارتاسىن بايلانىستىرۋعا مۇمكىندىك بار. ال OYBY (ويباي!) ءۇشىن اۆتوبۋس سالونىندا جەكە QR- كود جاپسىرمالارى جازۋلى) . سونىمەن قاتار، تەلەفونداعى بالانسپەن SMS ارقىلى تولەۋگە بولادى (2505 نومىرىنە حابارلاما جىبەرۋ ارقىلى، Activ/Kcell, Beeline ابونەنتتەرى ءۇشىن قولجەتىمدى) .