كاراتە: دارحان ءاسادىلوۆ دۋبايداعى ءتۋرنيردىڭ فينالىنا شىقتى

  استانا. قازاقپارات - بىرىككەن اراب امىرلىكتەرىنىڭ استاناسى دۋبايدا كاراتەدەن پرەمەر- ليگا ءتۋرنيرىنىڭ بيىلعى ماۋسىمداعى ەكىنشى كەزەڭى وتۋدە.

جارىسقا الەمنىڭ 86 مەملەكەتىنەن 800 سپورتشى قاتىسۋدا، دەپ جازادى Olympic.kz.

 قازاقستان كومانداسىنىڭ مۇشەسى دارحان ءاسادىلوۆ 60 كەلىدە تۋرنيردىڭ فينالىنا جولداما الدى. قازاقستان قۇراماسىنىڭ ۇزدىك سپورتشىسى ءبىرىنشى كەزدەسۋىندە تۋنيستىك كارەتەشىنى 6:2 ەسەبىمەن جەڭدى. گرۋزيالىق قارسىلاسىمەن وتكەن ەكىنشى ايقاس 2:0 ەسەبىمەن دارحاننىڭ پايداسىنا اياقتالدى. ال ءۇشىنشى جەكپە- جەكتە ءاسادىلوۆ پاريجدەگى پرەمەر- ليگا جەڭىمپازى، يراندىق مادجيدتەن 4:1 ەسەبىمەن باسىم ءتۇستى. جارتىلاي فينالدا دارحان الەمدىك رەيتينگتە ەكىنشى ورىندا تۇرعان تۇركيالىق سامدان ەرايدى ءبىر ۇپاي ايىرماسىمەن جەڭىپ، فينالعا وتكەن بولاتىن. بارلىق سالماق دارەجەسى بويىنشا فينالدىق باسەكەلەر جەكسەنبى كۇنى وتەدى.