وسكەمەن ەسكى اتاۋلاردان ءبىر-اق كۇندە ارىلدى

 استانا. قازاقپارات - بۇگىن وسكەمەن قالاسى شىن مانىندە رۋحاني جاڭعىرعان كۇن بولدى. وبلىس ورتالىعىنداعى ورتالىق كوشەلەردىڭ بارلىعى دا ساياسي ماعىناسى الدەقاشان ەسكىرگەن ەسكى اتاۋلاردان ءبىر- اق كۇندە ارىلدى، دەپ حابارلايدى التاينيۋس ءتىلشىسى.

اتاپ ايتساق، ۆوروشيلوۆ - شاكارىم، رەۆوليۋتسيوننايا - قاليحان ىسقاق، وردجونيكيدزە - ساعادات نۇرماعامبەتوۆ، دزەرجينسكي - امىرە قاشاۋبايەۆ، وكتيابرسكايا - مۇحامەدجان تىنىشپايەۆ، كومسومول كوشەسى - جاستار بولىپ وزگەردى. ال «جاستار» ساياباعىنا داڭقتى پارتيزان قاسىم قايسەنوۆتىڭ ەسىمى بەرىلدى.

بۇلار تەك باستى- باستىلارى عانا. وسكەمەندە بۇگىن بارلىعى 37 كوشە مەن داڭعىل جانە ساياباقتار جاڭا اتاۋعا يە بولدى.

سونىمەن بىرگە سەمەيدە، ريددەردە، كۋرچاتوۆتا جانە جارما اۋدانىندا كوشەلەر مەن اۋىلداردىڭ اتاۋلارى وزگەرتىلدى. اتالعان وزگەرىستەردى وبلىستىق ءماسليحاتتىڭ دەپۋتاتتارى ءبىراۋىزدان قولداۋ، داۋىس بەردى.

- بۇرىنعى كەڭەستىك زاماندا باسقا ءومىر، باسقا زامان بولدى جانە دە ۇلكەن قاتەلىكتەر جىبەردىك. ەندى سول قاتەلىكتەردى قايتادان قايتالاماۋىمىز كەرەك. سونىڭ ءبارىن ەسكەرە كەلە، ءبىز وبلىستاعى كوشەلەردىڭ اتاۋلارىن اۋىستىرعاندا كوپۇلتتى مەملەكەت ەكەندىگىمىزگە دە باستى نازاردى اۋداردىق، - دەدى وبلىس اكىمى دانيال احمەتوۆ سەسسيادا.