قازاقستاندا انا ولىمىنە نە سەبەپ

None
None
استانا. قازاقپارات - ق ر دەنساۋلىق ساقتاۋ ۆيتسە-ءمينيسترى ءلاززات اقتايەۆا قازاقستاندا انا ولىمىنە سەبەپ بولاتىن جايتتاردى اتادى، دەپ حابارلايدى قازاقپارات ءتىلشىسى.

«انا ءولىمىنىڭ سەبەپتەرى اراسىندا جۇكتىلىكپەن بايلانىستى اسقىنۋدىڭ ۋشىعۋى، قان اينالىمى جۇيەسىندەگى اۋرۋلار بار. بۇل رەتتە، ساراپتاما ايەلدەر جاعدايىنىڭ ناشارلاۋ دەرەكتەرىنىڭ 61 پايىزى اۋرۋحاناعا جاتقىزىلعانعا دەيىن بولعاندىعىن كورسەتىپ وتىر. ناشارلاۋ دەرەكتەرىنىڭ 68 پايىزى تۇنگى، 70 پايىزى مەرەكەلىك جانە دەمالىس كۇندەرى ورىن العان. بۇعان قوسا، انا ءولىمى جاعدايلارىنىڭ ۇشتەن ءبىرىنىڭ الدىن الۋ مۇمكىن بولماعان. تولىقتاي العاندا، انا ولىمىنە جۇرگىزىلگەن ساراپتاما قازا تاپقانداردىڭ ءاربىر ءتورتىنشىسى جۇكتى كەزىندە ەسەپكە كەش تىركەلگەنىن، ءاربىر سەگىزىنشىسى ەسەپكە تۇرماعانىن، ءاربىر 14- ايەل مەديتسينالىق كورسەتكىشتەرگە سايكەس جۇكتىلىكتى ۇزۋدەن باس تارتقانىن كورسەتتى»، - دەدى ل. اقتايەۆا ق ر دەنساۋلىق ساقتاۋ مينيسترلىگىنىڭ كەڭەيتىلگەن القا ماجىلىسىندە.

ونىڭ ايتۋىنشا، مۇنان بولەك، انالاردىڭ مەديتسينالىق كومەككە كەش جۇگىنۋى، وزدەرىنىڭ دەنساۋلىق جاعدايلارىن دۇرىس باعالاماۋى قايعىلى جايتتارعا اكەپ جاتادى. ماسەلەن، جۇكتىلىك كەزىندە قازا تاپقان انالاردىڭ 20 پايىزى اۋرۋحاناعا بارۋدان باس تارتقان. سونىمەن قاتار ءبىر وڭىردەن ەكىنشى وڭىرگە قونىس اۋدارعان انالار اراسىندا دا ءولىم-ءجىتىم بار.

«بۇل رەتتە، حالىق جۇكتىلىك پەن تۋۋدى قاداعالاۋ تەگىن مەديتسينالىق كومەكتىڭ كەپىلدەندىرىلگەن كولەمىنە كىرەتىندىگىن ءبىلۋى ماڭىزدى. ياعني، ول قاي وڭىرگە بارسا دا ايەلدەرگە كەڭەس بەرە الاتىن اۋماقتىق ەمحانا ونى ەسەپكە الىپ، ساپالى قاداعالاۋدى قامتاماسىز ەتەدى. دەمەك، ايەل كەڭەسى مەن ەمحاناعا مەديتسينالىق كومەككە جۇگىنۋ كەرەك»، - دەدى ۆيتسە-مينيستر.

سونىمەن قاتار ول اقمولا، قاراعاندى، ماڭعىستاۋ وبلىستارىندا جانە استانا قالاسىندا انا ءولىمى دەڭگەيىنىڭ جوعارى ەكەندىگىن اتاپ ءوتتى.

ايتا كەتەيىك، بۇگىنگى القا ماجىلىسىندە ق ر دەنساۋلىق ساقتاۋ ءمينيسترى ەلجان ءبىرتانوۆ ناۋقاستى اۋرۋحاناعا جاتقىزۋداعى بىلىقتاردى اشىق ايتىپ بەردى. جيىندا قازاقستاندىق دارىگەرلەردىڭ ورتاشا جالاقىسى دا ايتىلدى.

سونداي-اق ۆەدومستۆو باسشىسىنىڭ پىكىرىنشە، وڭىرلەردە دارىگەرلەر تاپشىلىعىن جويۋ جەرگىلىكتى اتقارۋشى ورگانداردىڭ جۇمىسى.

ءمالىم بولعانداي، ەلىمىزدە ەمحاناعا تىركەلمەگەن 1,4 ميلليونعا جۋىق ادام بار.

جيىن سوڭىندا ماجىلىسكە جينالعان دەنساۋلىق سالاسىنىڭ باسشىلارى، ماماندار ورىندارىنان تۇرىپ، بي بيلەدى.

سوڭعى جاڭالىقتار