03:25, 16 - اقپان 2019 | GMT +6
استانادا بەس جاسار بالانى قۇتقارعان وقۋشى كوپبالالى وتباسىنان شىققان
استانا. قازاقپارات - استاناداعى №39-كەشكى مەكتەپتىڭ ديرەكتورى انار قوجاحمەت قۇدىقتان بالانى شىعارعان 10-سىنىپ وقۋشىسى ءنادىر ومارعازيەۆ تۋرالى ايتىپ بەردى، دەپ حابارلايدى قازاقپارات ءتىلشىسى.
بۇعان دەيىن وقۋشىنىڭ بەس جاسار بالانى قۇتقارعانىن حابارلاعان بولاتىنبىز.
«ءنادىر ومارعازيەۆ كوپشىل، تالانتتى جانە وتە تاربيەلى بالا. ول كوپبالالى وتباسىنان شىققان جانە ونىڭ بەس باۋىرى بار. ومارعازيەۆتەر اۋلەتى جالدامالى پاتەردە تۇرادى»، - دەدى انار قوجاحمەت.
ونىڭ ايتۋىنشا، ءنادىر ءان سالعاندى ۇناتادى جانە تانىمال ءانشى بولۋدى ارماندايدى.
«دۇيسەنبى كۇنى مەكتەپتە سالتاناتتى شارا ۇيىمداستىرىلادى. وندا مەكتەپ باسشىلىعى ءنادىردى ەرلىگى ءۇشىن ماراپاتتايدى»، - دەدى ديرەكتور.