دەنساۋلىق مينيسترلىگىنىڭ القا ماجىلىسىنە جينالعاندار سوڭىندا بي بيلەدى
ونىڭ سوڭىندا ۆەدومستۆو قىزمەتكەرلەرى جاپپاي ورىندارىنان تۇرىپ، جاتتىعۋ جاساپ، بي بيلەۋگە كىرىستى، دەپ حابارلايدى قازاقپارات ءتىلشىسى.
ءبىراق ەلجان ءبىرتانوۆتىڭ بوي جازۋعا ۋاقىتى بولمادى. ول بايانداما جاساپ بولعاننان كەيىن، كەلەسى جيىنعا اسىعىس ەكەنىن ايتىپ، زالدان شىعىپ كەتتى. ال ارىپتەستەرىن جاتتىعۋ جاساۋعا شاقىردى.
«پرەمەر-ءمينيستردىڭ وتىرىسىنا كەتىپ بارامىن. زالدان ەشقايسىلارىڭىزدىڭ كەتپەۋلەرىڭىزدى وتىنەمىن. «Healthy Break» (« سالاۋاتتى ءۇزىلىس») دەپ اتالاتىن شاعىن ءۇزىلىس جاساعىم كەلەدى. بۇل ۇزدىك حالىقارالىق داستۇرگە ساي كىشىرەك جاتتىعۋ سانالادى. ول ءۇشىن سىزدەرگە ورىندارىڭىزدان تۇرىپ، ءبىراز سەكىرىپ الۋعا تۋرا كەلەدى»، - دەدى ول.
وسىدان كەيىن زالدا وتىرعان دەنساۋلىق سالاسى ماماندارىنىڭ بارلىعى ورىندارىنان تۇرىپ، مۋزىكا ىرعاعىمەن دەنە جاتتىعۋلارىن جاسادى. ايتا كەتەرلىگى، وعان دەنساۋلىق ساقتاۋ ءمينيسترىنىڭ ورىنباسارلارى، كوميتەتتەر باسشىلارى، ق ر پارلامەنتى ءماجىلىسىنىڭ دەپۋتاتى - د س م جانىنداعى پاتسيەنتتەردىڭ قۇقىقتارىن قورعاۋ جونىندەگى قوعامدىق كەڭەستىڭ ءتورايىمى نادەجدا پەتۋحوۆا دا بەلسەنە قاتىستى.
ايتا كەتەيىك، بۇگىنگى القا ماجىلىسىندە ق ر دەنساۋلىق ساقتاۋ ءمينيسترى ەلجان ءبىرتانوۆ ناۋقاستى اۋرۋحاناعا جاتقىزۋداعى بىلىقتاردى اشىق ايتىپ بەردى. جيىندا قازاقستاندىق دارىگەرلەردىڭ ورتاشا جالاقىسى دا ايتىلدى.
سونداي-اق ۆەدومستۆو باسشىسىنىڭ پىكىرىنشە، وڭىرلەردە دارىگەرلەر تاپشىلىعىن جويۋ جەرگىلىكتى اتقارۋشى ورگانداردىڭ جۇمىسى.
ءمالىم بولعانداي، ەلىمىزدە ەمحاناعا تىركەلمەگەن 1,4 ميلليونعا جۋىق ادام بار.