ناۋقاستى اۋرۋحاناعا جاتقىزۋداعى بىلىقتاردى ق ر دەنساۋلىق ساقتاۋ ءمينيسترى اشىق ايتتى

None
None
استانا. قازاقپارات - ق ر دەنساۋلىق ساقتاۋ ءمينيسترى ەلجان ءبىرتانوۆ ناۋقاستى اۋرۋحاناعا جاتقىزۋداعى بىلىقتاردى اشىق ايتتى، دەپ حابارلايدى قازاقپارات ءتىلشىسى.

«تاعى ءبىر پروبلەمالى ماسەلە - بۇل ستاتسيونارعا تۇسكەن كەزدە حالىق تاراپىنان تۋىندايتىن شاعىمدار. قاراپ شىقتىق، نەگىزگى شاعىمداردى شۇعىل، جوسپاردان تىس جاعدايلار قۇراپ وتىر. ياعني، دورەكىلەۋ ايتساق، بەيبەرەكەتتىك. ادامدى قابىلداۋ بولمەسىنە الىپ كەلگەننەن كەيىن بارلىعى دا تۇسىنىكسىز، دالىزدە ۇزاق كۇتەدى، اربادا جاتادى. ولارعا ەشكىم قارامايدى»، - دەدى مينيستر ۆەدومستۆونىڭ كەڭەيتىلگەن القا ماجىلىسىندە.

وسى رەتتە ە. ءبىرتانوۆ وتكەن جىلدان باستاپ شۇعىل كومەك كورسەتۋدىڭ جاڭا ستاندارتىنا سايكەس 3ن- جۇيەسى ەنگىزىلىپ جاتقانىن ايتتى. اتالعان جۇيە بويىنشا ناۋقاستاردى قابىلداۋ بولمەسى حالىقارالىق ستاندارتتارعا سايكەس 3-ايماققا بولىنەدى.

«سونىمەن قاتار قابىلداۋ بولمەسىندە شۇعىل كومەك كورسەتەتىن دارىگەر ەنگىزەمىز. بۇل كەز كەلگەن توتەنشە جاعدايدا بارلىق قاجەتتى شۇعىل كومەكتى تاياۋ ورنالاسقان ستاتسيوناردا كورسەتۋگە مۇمكىندىك بەرەدى»، - دەدى ول.

مينيستر ەلىمىزدىڭ ءبىرقاتار وڭىرىندە دەنساۋلىق ساقتاۋ باسقارمالارى اۋرۋحاناعا جاتقىزۋ ءتارتىبى تۋرالى زاڭسىز بۇيرىق شىعارىپ وتىرعاندىعىنا نازار اۋداردى. ونىڭ ايتۋىنشا، اتالعان بۇيرىققا سايكەس ءار كۇندەرى ءتۇرلى كلينيكا ناۋقاستاردى قابىلدايدى.

«قوعامدىق دەنساۋلىقتى قورعاۋ كوميتەتىنە تەكسەرۋ جۇرگىزۋدى، مۇنداي زاڭسىز بۇيرىقتار انىقتالعان جاعدايدا ونداي فاكتىلەردى باس پروكۋراتۋراعا بەرۋدى تاپسىرامىن. ستاندارتقا سايكەس شۇعىل كومەك تاياۋ ورنالاسقان كوپبەيىندى اۋرۋحانادا كورسەتىلۋى ءتيىس»، - دەدى ە. ءبىرتانوۆ.

 

سوڭعى جاڭالىقتار