عىلىمي گرانتتاردى ءبولۋ تىكەلەي ەفيردە جۇرگىزىلەدى
«ەلباسى تاپسىرماسىنا سايكەس، جاس عالىمدارعا ارنالعان گرانتتاردى 3 ميلليارد تەڭگەگە ۇلعايتۋ جوسپاردا بار. سونىمەن قاتار، عىلىمدى قارجىلاندىرۋ جولدارى مەن ۇلتتىق عىلىمي كەڭەستى (ۇ ع ك) رەفورمالاۋ تولىق قارقىنمەن ءجۇرىپ جاتىر. بىرىنشىدەن، ۇ ع ك جاڭارتىلعان قۇرامى جوباسى مينيسترلىك سايتىندا تۇر. عىلىمي قاۋىمداستىقتان بارلىق ۇمىتكەرلەر بويىنشا پىكىر ايتۋلارىن سۇرايمىن. نارازىلىق بولسا دا، قازىر ايتۋ كەرەك. بارلىق پىكىرلەر اشىق تۇردە جاريالانادى جانە ءاربىر پىكىرگە قۇلاق اسامىز. الداعى 20 كۇن ىشىندە ۇ ع ك جاڭا قۇرامى تۋرالى بارلىق پىكىر قابىلدانادى»، - دەدى ەرلان ساعاديەۆ استانادا مينيسترلىك القاسىنىڭ كەڭەيتىلگەن وتىرىسىندا
سونىمەن بىرگە، مينيستر ۇلتتىق عىلىمي كەڭەس وتىرىستارىن اشىق وتكىزۋ جولدارىن ايتىپ بەردى.
«عىلىم كوميتەتىنە بارلىق نورماتيۆتىك قۇجاتتامانى تۇزەتۋ تۋرالى تاپسىرما بەردىك. جاڭا نورماتيۆتى دە سايتقا سالدىق. ۇشىنشىدەن، عىلىم كوميتەتىنە ۇ ع ك كەلەسى وتىرىسىن تىكەلەي ەفيردەن ترنسلياتسيالاۋدى تاپسىردىق. ال گرانتتاردىڭ ءبولىنۋى ۇلكەن زالدا باسپا ءسوزدىڭ قاتىسۋىمەن وتەدى. بارلىعى اكۆاريۋمدەگىدەي اشىق ءوتۋى ءتيىس»، - دەدى ە. ساعاديەۆ.