استانا اۋەجايى حالىقارالىق اۋەجايلار كەڭەسىنە مۇشە بولدى
مۇنداي اقپارات ق ر ي ي د م ازاماتتىق اۆياتسيا كوميتەتىنىڭ فەيسبۋكتەگى پاراقشاسىندا جاريالاندى، دەپ حابارلايدى قازاقپارات ءتىلشىسى.
حالىقارالىق اۋەجايلار كەڭەسى (Airports Council International؛ ACI) - بۇل اۋەجايلاردىڭ الەمدەگى جالعىز جاھاندىق ساۋدا وكىلدىگى. اتالعان كەڭەسكە قاتىسۋ استانا اۋەجايىنا بۇل سالاداعى ۇزدىك الەمدىك تاجىريبەنى قابىلداۋعا، قىزمەت كورسەتكىشتەرىن ورتاشا سالالىق الەمدىك كورسەتكىشتەرمەن سالىستىرۋعا، بارىنشا ءتيىمدى قىزمەتتى قامتاماسىز ەتۋ ءۇشىن كاسىبي مۇددەسىن بىلدىرۋگە جانە ونى قورعاۋعا مۇمكىندىك بەرەدى.
ACI اۋەجاي ساياساتىنداعى ماڭىزدى وزگەرىستەر پروتسەسى بارىسىندا اۋەجايلاردىڭ مۇددەلەرىن قورعاپ، قولداۋ بىلدىرەدى.
ايتا كەتەرلىگى، ەلىمىزدىڭ ازاماتتىق اۆياتسيا كوميتەتى قازاقستاندىق اۋەجايلاردى دامىتۋ ساياساتىن جۇرگىزىپ كەلەدى. قازىرگى ۋاقىتتا قازاقستاننىڭ 15 اۋەجايى يكاو ساناتىن العان. 2020-جىلى ەلىمىزدەگى بارلىق اۋەجايدىڭ ۇشۋ-قونۋ جولاعى جاڭعىرتىلاتىن بولادى.