ءتىل بىلمەسە دە امەريكا اسىپ، تابىسقا جەتكەن قازاق كاسىپكەرى كوپتى تاڭعالدىردى
بۇگىندە ون مىڭداعان قازاقستاندىقتى ىزىنە ەرتىپ، كاسىپكەرلىكتىڭ ءىلىمىن ۇيرەتىپ كەلەدى.
جانبولات بەكمۇسايەۆ الەمدىك جەلىلىك ماركەتينگتىك كومپانيانىڭ رەسەي مەن قازاقستان بويىنشا كوشباسشىسى اتانىپ، بۇگىندە ءىزباسارلارىنا ءدارىس وقىپ ءجۇر.
ءتىپتى، ءبىلىم بەرۋ جوباسىن قولعا الىپ، اينالدىرعالى جۇزدەگەن قازاق وتباسىلارىنا كومەگى تيگەنىن جاسىرمايدى.
«مەن العاشىندا تۇرمىستىق بۇيىمداردى ساتا باستادىم. وزگە ەمەس، الدىمەن ءوزىمنىڭ جاقىندارىم كۇلدى. كەلەكە ەتىپ، مازاق قىلدى. ءتىپتى، تۋعاندارىم دا «مىناۋىڭ نە، ساۋداسى نەسى؟» دەپ شوشىنعان كەزدەر بولدى. الايدا مەن ەشكىمگە قۇلاق اسپادىم.
بۇل كەڭەس وداعى ىدىراپ، ەلىمىزدىڭ تاۋەلسىزدىك العان العاشقى جىلدارى ەدى. ارينە، كەڭەس داۋىرىندە ساۋدا-ساتتىق قىلمىس بولىپ سانالاتىن»، - دەيدى جانبولات بەكمۇسايەۆ.
قازاق كاسىپكەرى الەمدىك دەڭگەيدەگى بيزنەس جەلىسىن قازاقى تاربيەمەن ۇشتاستىرۋعا بەل بۋعانىن دا جاسىرمايدى.
«الدىمەن، مەنىڭ اينالامداعى ادامدار تەنتەك سۋدان اۋلاق بولۋ كەرەك. كەڭەس ءداۋىرىن كورىپ وستىك. ءبىراق قازىر مەنىڭ اينالامداعى ەر ازاماتتار جاعى اششى سۋدى مۇلدەم تاتىپ المايدى.
اراق - ول زيانكەس. شارۋاڭا كەدەرگى بولادى. ساۋ ادام عانا كاسىپتى دوڭگەلەتە الادى»، - دەيدى كاسىپكەر.
«ەكىنشىدەن، وتباسى قۇندىلىعىن جوعارى قويامىز. اجىراسقان بولماۋ كەرەك. وڭدى-سولدى جۇرىستەردەن ادا بولعانىن تالاپ ەتەمىز.
نەگە؟ الەمدەگى وليگارحتاردىڭ ءومىرباياندارىنا كوز جۇگىرتسەڭىز، ولار ءبىر ادامعا بەرىك. تاڭداعان جۇپتارىمەن ءومىرىنىڭ سوڭىنا دەيىن بىرگە. سوندا عانا ءىسىڭ العا ورلەيدى»، - دەپ قوسىپ قويدى جانبولات بەكمۇسايەۆ.
شەتەلدىك بيزنەس جۇيەسىن ۇلتتىق تاربيەمەن ۇشتاستىرا بىلگەن قازاق ىسكەرىن ۇلگى تۇتاتىندار قاتارى كوبەيىپ كەلەدى.
اينالاسىندا وتباسى بولىپ، بيزنەسكە ارالاسىپ جاتقاندار كوپ. ءتىپتى، ءىس ساپارلار مەن شەتەلدىك تۋرلارعا جۇپتارىمەن اتتانىپ جاتادى ەكەن.
«مۇنداي بيزنەستە وزگەنىڭ شارۋاسىن ءسوز ەتۋگە ۋاقىت بولمايدى. تەك دامۋ، العا جىلجۋ كەرەك بولادى»، - دەيدى ول.
«كەزىندە جانبولات ساۋداگەر بولدى دەگەندەر بۇگىندە مەنەن اقىل-كەڭەس سۇرايدى. قارىزعا بەلشەسىنەن باتىپ وتىرعاندار بار. وكىنىشتەرىن ايتادى.
دەگەنمەن، ءبىر نارسە ايتا كەتەيىن. ەلدىڭ بارلىعىنىڭ بيزنەسمەن بولىپ كەتكەنىن قالامايمىن. ويتكەنى، ونى الىپ جۇرەتىن ادامى بولادى.
راس، قوماقتى تابىس تۇسىرەتىندەر بار. الايدا ءىلىمىن الماسا، كەلگەن قارجى سولاي كەتىپ قالادى. اللا تاعالانىڭ ءوزى سىنايدى. از ۋاقىت بولسا دا بايلىقتى بەرىپ، تەكسەرىپ كورەدى.
ءارى-بەرىدەن سوڭ، قازاقتار باسقا سالالاردى دا كورۋ كەرەك. حيميكتەر شىققانىن قالايمىن، مىقتى دارىگەر، كەرەمەت عالىمدار شىعۋ كەرەك»، - دەيدى جانبولات بەكمۇسايەۆ.
كاسىپكەر شەتەلدىك ارىپتەستەرىنەن كوپ نارسە ۇيرەنگەنىن ايتادى. اسىرەسە، ۆەنگريا ازاماتى ۆادي ەنا دجەيمس پەن گەرمانياداعى دوسى ماكس شۆارتس بيزنەس جۇرگىزۋدىڭ قىر-سىرىن ۇيرەتكەن.
ونىڭ پايىمىنشا، قاي ۋاقىتتا دا ءبىلىمنىڭ ارتىعى بولمايدى، سوندىقتان، ۇنەمى ىزدەنە بەرۋ كەرەك.