قىزىلوردادا رەسپۋبليكالىق اقىندار ايتىسى ءوتتى

None
None
قىزىلوردا. قازاقپارات - قىزىلوردا قالاسىندا وتكەن «جاستار جىرلايدى» اتتى رەسپۋبليكالىق اقىندار ايتىسىندا قىزىلوردالىق نۇرمات مانسۇر باس بايگەنى ەنشىلەدى، دەپ حابارلايدى قازاقپارات ءتىلشىسى.

اتالمىش شارا جاستار جىلى اياسىندا وتكىزىلدى. وعان  قىزىلوردا وبلىستىق مادەنيەت، ارحيۆتەر جانە مۇراعات باسقارماسى قولداۋ كورسەتتى. قازاقتىڭ كورنەكتى تۇلعاسى ايتەكە ءبيدىڭ 375 جىلدىعىنا ارنالعان ايتىسقا ەلىمىزدىڭ كوپتەگەن وڭىرلەرىنەن بەلگىلى ايتىس اقىندارى كەلدى.

ولاردىڭ قاتارىندا پاۆلودارلىق اسپانبەك شۇعاتايەۆ، الماتىلىق رۇستەم قايىرتاي ۇلى، تارازدىق ارۋنا كەرىمبەك، شىمكەنتتىك ءبىرجان بايتۋوۆ، استانالىق داۋرەن ىسقاق، ورالدىق رايىمبەك وتەپوۆ بار. ال  قىزىلوردا وبلىسىنان نۇرمات مانسۇر، سىرىم ادىلبەك، نۇرزات قارۋ مەن بەكسۇلتان ورىنباساروۆ ءسوز سايىسىنا قاتىستى.

قازىلار القاسىنا اقىن ءجۇرسىن ەرمان باسشىلىق ەتتى. قازىلار قۇرامىندا «ايقىن» گازەتىنىڭ باس رەداكتورى نۇرتورە ءجۇسىپ، «انا ءتىلى» گازەتىنىڭ باس رەداكتورى جاناربەك ءاشىمجان، جەرگىلىكتى بەلگىلى ايتىس اقىنى كەنجەباي ءجۇسىپ بولدى.

تارتىستى وتكەن ءسوز سايىسىندا قىزىلوردالىق نۇرمات مانسۇر باس جۇلدەنىڭ ەنشىلەدى. ءبىرىنشى ورىن رۇستەم قايىرتاي ۇلىنا بۇيىرسا، ەكىنشى ورىنعا ءبىرجان بايتۋوۆ قول جەتكىزدى. ۇزدىك ۇشتىكتى ارۋنا كەرىمبەك پەن اسپانبەك شۇعاتايەۆ تۇيىندەدى.

بۇدان بۇرىن  قىزىلوردادا جاستارعا ارنالعان «سامعا» جوباسى باستالعانىن حابارلاعان ەدىك.

سوڭعى جاڭالىقتار