09:54, 15 - اقپان 2019 | GMT +6
استانالىق كوپبالالى وتباسىلار ءۇشىن چات-بوت اشىلدى
استانا. قازاقپارات - استانا اكىمدىگى Telegram مەسسەندجەرىندە كوپبالالى وتباسىلارعا ارنالعان چات-بوتتى ىسكە قوستى، دەپ حابارلايدى قازاقپارات ەلوردا اكىمدىگىنىڭ رەسمي سايتىنا سىلتەمە جاساپ.
«ەندى مەملەكەتتىك جاردەماقىلار تۋرالى ناقتى اقپارات الۋ ءۇشىن، ءاربىر جەكەلەگەن جاعدايدا كومەك ءتۇرىن انىقتاۋ ءۇشىن نەمەسە جۇمىسقا ورنالاسۋعا، قىسقا مەرزىمدى كۋرستاردان وتۋگە كومەك كەرەك بولعان جاعدايدا چات-بوتتا ساۋالناما تولتىرۋ قاجەت»، - دەلىنگەن باسپا ءسوز حابارلاماسىندا.
كەلىپ تۇسكەن دەرەكتەردى CRM جۇيەسى جاڭارتىپ وتىراتىن بولادى. بۇدان ءارى جۇمىسپەن قامتۋ ورتالىعىنىڭ قىزمەتكەرلەرى قىسقا مەرزىمدە ءوتىنىش بىلدىرۋشىگە حابارلاسادى. ءبىر سوزبەن ايتقاندا، ساندىق بايلانىس قولدانۋعا ىڭعايلى جانە ۋاقىتتى ۇنەمدەيدى.
چات بوتقا وتەتىن سىلتەمە:https://t.me/qoldaubot