مەملەكەتتىك قىزمەتكە قالاي ورنالاسۋعا بولادى؟

None
None
قاراعاندى. قازاقپارات - قاراعاندى وبلىسىنىڭ ستۋدەنتتەرىنە مەملەكەتتىك قىزمەتكە قالاي ورنالاسۋعا بولاتىندىعى ءتۇسىندىرىلدى، دەپ حابارلايدى قازاقپارات ءتىلشىسى.

ق ر مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل اگەنتتىگىنىڭ قاراعاندى وبلىسى بويىنشا دەپارتامەنتىنىڭ وكىلدەرى ە. بوكەتوۆ اتىنداعى قاراعاندى مەملەكەتتىك ۋنيۆەرسيتەتىنىڭ ستۋدەنتتەرىمەن كەزدەسۋ وتكىزدى. شارا بارىسىندا ج و و- نىڭ بولاشاق تۇلەكتەرى مەملەكەتتىك قىزمەتكە ورنالاسۋ ەرەجەلەرىنە جانە مامانداردى ىرىكتەۋدە قويىلاتىن تالاپتارعا قاتىستى ساۋالدار قويدى.

«مەملەكەتتىك قىزمەت - مەملەكەتتىك ساياساتتى جۇزەگە اسىرۋ ماقساتىندا پراكتيكالىق قىزمەت ەتەتىن بيلىكتىڭ اتقارۋشى ورگانى. بۇل - تەك جايلى كەڭسەلەر مەن تۇراقتى جالاقى عانا ەمەس، بۇل - كۇندەلىكتى قاربالاس، تىنىمسىز ەڭبەك»، - دەپ اتاپ ءوتتى دەپارتامەنتتىڭ مەملەكەتتىك قىزمەت باسقارماسىنىڭ باسشىسى اسەل بەليالوۆا.

2016-جىلعى 1- قاڭتاردان باستاپ مەملەكەتتىك قىزمەتتەر پوزيتسيالىقتان قۇزىرەتتىلىك پەن كونكۋرستىق ىرىكتەۋگە نەگىزدەلگەن مانساپتىق مودەلگە كوشتى. ياعني، مەملەكەتتىك قىزمەتكە ءوتۋ تومەن لاۋازىمداردان باستالىپ، بىرتىندەپ مانساپتىق جىلجۋ ارقىلى جۇزەگە اسىرىلادى. كونكۋرس وتەتىندىگى تۋرالى حابارلاندىرۋ بوس لاۋازىمدار بار مەملەكەتتىك ورگانداردىڭ سايتتارىندا جانە ق ر مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل اگەنتتىگىنىڭ: www.kyzmet.gov.kz. سايتىندا جاريالانادى.

كونكۋرسقا قاتىسۋعا قۇجاتتاردى حابارلاندىرۋ جاريالانعاننان كەيىن 7 جۇمىس كۇن ىشىندە تاپسىرۋ قاجەت.

ىرىكتەۋدىڭ العاشقى كەزەڭى - ق ر زاڭناماسىن بىلۋگە باعىتتالعان تەستىلەۋ. ونى ازاماتتار الدىن الا تاپسىرا الادى.

تەستىلەۋدەن ءساتتى وتكەن جاعدايدا سەرتيفيكات بەرىلەدى. ول ءبىر جىلعا جارامدى. اتالعان سەرتيفيكاتپەن وندا كورسەتىلگەن سانات بويىنشا كەز كەلگەن جالپى كونكۋرسقا قاتىسۋعا بولادى.

زاڭدار تىزبەسى، تەستىلەۋ ۇزاقتىعى جانە سۇراقتار سانى كانديدات تاڭداعان تەستىلەۋ باعدارلاماسىمەن انىقتالادى. تەستىلەۋگە جازىلۋ ءۇشىن ەلەكتروندىق ۇكىمەت پورتالى (egov.kz)، حالىققا قىزمەت كورسەتۋ ورتالىعى نەمەسە ستۋدەنتتەرگە قىزمەت كورسەتۋ ورتالىعى ارقىلى ءوتىنىش بەرىپ، تەستىلەۋ باعدارلاماسىن، تەست تاپسىرۋ كۇنى مەن ۋاقىتىن تاڭداۋ جەتكىلىكتى. ح ق ك و- عا جانە س ق ك و جۇگىنگەن كەزدە وزىمەن بىرگە جەكە باسىن كۋالاندىراتىن قۇجات بولۋى قاجەت.

تەستىلەۋدىڭ كەلەسى كەزەڭى - بۇل جەكە قاسيەتتەرىن باعالاۋ. اعىمداعى جىلدان باستاپ مەملەكەتتىك قىزمەتتەر سالاسىنداعى زاڭناماعا ءبىرقاتار تۇزەتۋلەر ەنگىزىلگەندىگىن، قۇزىرەتتەردى باعالاۋ جۇيەسىنىڭ جەتىلدىرىلگەندىگىن ايتا كەتكەن ورىندى. تەستىلەۋدىڭ نەگىزىندە، كانديدات تۋرالى تولىق كورىنىس قالىپتاستىراتىن، پسيحومەتريالىق تاپسىرمالار مەن سيتۋاتسيالىق كەيستەر جاتىر.

كانديداتتاردىڭ وزدەرى جايلى جالعان مالىمەتتەر ۇسىنۋ فاكتىلەرىن بولدىرماۋ ءۇشىن، باعالاۋعا شىنايىلىق دەڭگەيىن انىقتاۋعا ارنالعان سۇراقتار ەنگىزىلگەندىگىن ايتا كەتكەن ابزال.

شىنايىلىق دەڭگەيى تومەن بولسا (%50 از)، تەستىلەۋدەن وتپەگەن دەپ ەسەپتەلەدى.

ق ر زاڭناماسىن بىلۋگە ارنالعان تەستىلەۋدىڭ، سول سياقتى جەكە قۇزىرەتتەردى انىقتاۋعا ارنالعان تەستىلەۋدىڭ بەلگىلەنگەن شەگىنەن وتە الماعان ازاماتتار، 1 ايدان كەيىن تەستىلەۋدەن قايتا وتە الادى.

سوڭعى جاڭالىقتار