مينيستر جۋرناليستەردى اككرەديتتەۋ تۋرالى سۇراققا جاۋاپ بەردى
حابار ارناسىنىڭ «اشىق ديالوگ» باعدارلاماسىندا اقپارات جانە كوممۋنيكاتسيالار مينيسترىنەن تىلشىلەردى اككرەديتتەۋ بويىنشا سۇراق قويىلدى.
«تىلشىلەردى اككرەديتتەۋ شارالارىن قاتاڭداتۋ نە ءۇشىن قاجەت بولدى؟ بارلىق تىلشىلەر قاۋىمى مۇنداي باستاماعا نارازى ەكەندىكتەرىن ءبىلدىرىپ جاتىر»، - دەدى باعدارلاما جۇرگىزۋشىسى.
ءوز كەزەگىندە داۋرەن ابايەۆ ەشقانداي ەرەجە قاتاڭداتىلماعانىن ايتتى.
«ول ەرەجەلەر كەرەك دەسەڭىز، 2013-جىلى قابىلدانىپ قويعان بولاتىن. اككرەديتتەۋ بويىنشا ءبىز ەكى پۋنكت قانا قوستىق. ونىڭ ءبىرى - اكرەديتتەۋشى ۇيىمنىڭ ىشكى ءتارتىبىن ساقتاۋ بويىنشا ءتىلشىنىڭ قاعاز جۇزىندە كەلىسىم بەرۋى. مەنىڭ ويىمشا، بۇل ويلى ءارى جالپى قابىلدانعان تاجىريبە. ءسىز مۋزەي نەمەسە كىتاپحاناعا بارساڭىز، وندا ساقتالۋى ءتيىس بەلگىلى ءبىر ەرەجەلەر بار. مەملەكەتتىك ورگاندارمەن دە جاعداي سولاي. ءاربىر مەملەكەتتىك ورگاننىڭ وزىندىك رەگلامەنتى بار. وسى رەگلامەنتتى ورىنداۋدىڭ ەشقانداي كۇردەلىلىگى جوق»، - دەدى مينيستر.
داۋرەن ابايەۆتىڭ ايتۋىنشا، ەنگىزىلگەن ەكىنشى پۋنكت - ءتىلشى مەن ب ا ق اراسىنداعى كەلىسىمنىڭ بارىن راستايتىن قۇجاتتىڭ كوشىرمەسىنىڭ بولۋى.
«ماسەلەن، وسى باستامانى كەيبىر باس رەداكتورلار بىلدىرگەنىن ايتا كەتۋ كەرەك. كەيدە بەلگىلى ءبىر ءتىلشىنىڭ رەداكسيادا جۇمىس ىستەمەسە دە، شارالارعا بارعاندا سول ۇيىمنان ەكەنىن ايتىپ، كىرىپ جۇرگەن جاعدايلار بولدى. ءبارى دە ءاربىر اككرەديتتەۋ كەزىندە ءتىلشى ەڭبەك كىتاپشاسىن الىپ كەلۋى كەرەك ەكەن دەپ، اشۋلانىپ جاتىر. ءتىلشى ءاربىر كەلگەن كەزىندە ونى الىپ كەلۋى مىندەتتى ەمەس. بۇل ەرەجەلەر بويىنشا بەلگىلى ءبىر ورگاننىڭ بارلىق شارالارى ءۇشىن اكرەديتتەۋ جىلىنا ءبىر رەت وتكىزىلەتىنى بەكىتىلگەن. بۇل ءتىلشىنىڭ دە، مەملەكەتتىك ورگاننىڭ دا جۇمىسىن جەڭىلدەتەدى»، - دەيدى داۋرەن ابايەۆ.