+7 (701) 759 90 19 Лента
16 °С : نۇر-سۇلتان
18 °С : الماتى
USD 386.91 EUR 428.81
RUB 5.79 CNY 54.79
جاڭالىقتار

استانالىق كوپ بالالى انالارعا ۇسىنىس-شاعىم بىلدىرۋگە ءبىر اپتا بەرىلدى

14 اقپان 20:30 513
:ءبولىسۋ
استانالىق كوپ بالالى انالارعا ۇسىنىس-شاعىم بىلدىرۋگە ءبىر اپتا بەرىلدى

استانا. قازاقپارات - «استانا» كونسەرت زالىندا (كونگرەسس- حولل) 15 -اقپاندا ءوتۋى ءتيىس ازاماتتاردى قابىلداۋ شاراسى ۇيىمداستىرىلمايتىن بولدى.

مۇنىڭ ورنىنا، تۇرعىندار مەن كوپبالالى انالارعا ءوزى تۇراتىن اۋدان اكىمدىكتەرىنە جۇگىنۋگە ءبىر اپتا بەرىلىپ وتىر، دەپ حابارلايدى قازاقپارات.

استانا اكىمدىگىنەن ءمالىم ەتكەندەي، اۋدان اكىمدىكتەرى 13-22 -اقپان ارالىعىندا قابىلداۋ وتكىزەتىن بولادى.

«تۇرعىنداردى تولعاندىراتىن ماسەلەلەردىڭ كوپتىگىن ەسكەرە كەلە، قالا باسشىلىعى 15 -اقپانعا بەلگىلەنگەن ازاماتتاردى قابىلداۋ شاراسىنىنىڭ ورنىنا 7 كۇنگە سوزىلاتىن «اشىق ەسىك اپتالىعىن» وتكىزۋدى ۇيعاردى. حالىققا قولايلى بولۋى ءۇشىن ازاماتتاردى قابىلداۋ الماتى، بايقوڭىر، ەسىل، سارى ارقا اۋداندارىنىڭ اكىمدىكتەرىندە قۇزىرەتتى مەملەكەتتىك ورگانداردىڭ (جۇمىسپەن قامتۋ جانە الەۋمەتتىك باعدارلامالار، قوعامدىق دەنساۋلىق ساقتاۋ، ءبىلىم جانە باسقا دا باسقارمالار) قاتىسۋىمەن وتەتىن بولادى.

كوپبالالى انالاردىڭ 6 -اقپاندا بەرگەن ارىزدارىنىڭ بارلىعى جۇيەلەندىرىلىپ، تالداۋدان وتكىزىلدى. قازىرگى تاڭدا اتالمىش وتىنىشتەر بويىنشا ۇسىنىستار ق ر ۇكىمەتىنىڭ جانىنان قۇرىلعان ازاماتتاردىڭ كىرىسى مەن ءومىر ءسۇرۋ ساپاسىن ارتتىرۋ جونىندەگى شارالاردى كۇشەيتۋمەن اينالىساتىن جۇمىس توبىنىڭ قاراۋىندا. از قامتىلعان جانە كوپبالالى وتباسىلارعا قاتىستى ماسەلەلەر جونىندەگى مەملەكەت باسشىسىنىڭ تاپسىرمالارىن ورىنداۋ اياسىندا جولدانعان وتىنىشتەر بويىنشا كەشەندى شارالار ەكى ايدىڭ كولەمىندە قولعا الىناتىن بولادى دەپ كۇتىلۋدە»، - دەلىنگەن اكىمدىك اقپاراتىندا.


باستى سوزدەر: بيلئك جانة ساياسات,
:ءبولىسۋ

اأتور:

novasa

پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات