ءاجىمنىڭ ەرتە تۇسۋىنە اسەر ەتەتىن كۇندەلىكتى ادەتتەر
1. كوزدى جۇما بەرۋ
كوز ماڭايىنداعى تەرەڭ اجىمدەر كوزدى ءجيى سىعىرايتقاننان پايدا بولادى. ەگەر كورۋ قابىلەتىڭىز ناشار بولسا ۇنەمى كوز دارىگەرىنىڭ باقىلاۋىندا بولىپ، كوزىلدىرىك كيگەن دۇرىس. ال جازدىڭ كۇندەرى كۇننەن قورعايتىن قارا نەمەسە قوڭىر ءتۇستى كوزىلدىرىك الىڭىز.
2. ءبىر جاق جانىمەن نەمەسە ەتپەتىنەن جاتۋ
ءبىر بەتىڭىزدە ەكىنشى بەتىڭىزگە قاراعاندا ءاجىمنىڭ كوپتىگىن بايقادىڭىز با؟ دەمەك ءسىز ۇيقىعا جاتقاندا دۇرىس جاتپايسىز. بۇل بەتتىڭ عانا ەمەس، مويىن مەن كەۋدەدە ءاجىمنىڭ پايدا بولۋىنا اكەلىپ سوقتىرادى. وعان قوسا قاننىڭ دۇرىس اينالماۋى تەرى جاسۋشالارىنا وتتەگى جەتكىزبەيدى. بۇل جاعدايدا ەڭ دۇرىسى شالقاسىنان جاتۋ.
3. از ۇيىقتاۋ
ۇيقىنىڭ قانباۋى ءاجىمنىڭ تەز تۇسۋىنە ىقپال ەتەدى. بۇل اسىرەسە كوز ماڭايىنان كورىنەدى. Estee Lauder جانە UH Case Medical Center جۇرگىزگەن زەرتتەۋ تاۋلىگىنە بەس ساعاتتان از ۇيىقتايتىن ايەلدەردىڭ جەتى ساعاتتان ارتىق ۇيىقتايتىن ايەلدەرگە قاراعاندا ءاجىمى كوپ ەكەنىن كورسەتكەن.
4. شىلىم شەگۋ
تەمەكى تۇتىنىنەن 4 مىڭعا جۋىق حيميالىق زات بولىنەدى. ونىڭ باسىم بولىگى ۋلى. ال 50-گە جۋىعى وبىرعا شالدىقتىرادى. سونداي- اق تەمەكى ءتۇتىنى وتتەگى جەتىسپەۋشىلىگىنە اكەلەدى. بۇل تەرىنىڭ قارتايۋ پروتسەسىن جىلدامداتادى.
5. كوفەنى تىم كوپ ىشەسىز
ەگەر كوفە ىشكەندى جاقسى كورەتىن بولساڭىز، كۇنىنە بەلگىلى ءبىر مولشەردەن ارتىق ءىشىپ قويماڭىز. كوفەدەن كەيىن ءبىر ستاقان سۋ ىشكەن ءجون. بۇل اعزاداعى سۋ قورىن تولتىرۋعا كومەكتەسەدى. سەبەبى كوفە قارتايۋ پروتسەسىن جىلدامداتۋى مۇمكىن.
6. كۇننەن قورعايتىن كرەم قولدانۋ
كوپ قىز- كەلىنشەك كۇننەن قورعايتىن كرەمدەرگە ءمان بەرە بەرمەيدى. كۇننەن قورعايتىن كرەمدەردى جىل بويى قولدانۋعا ۇيرەنىڭىز.
7. تەرىنى شەكتەن تىس كوپ تازالايسىز
ەگەر ءسىزدىڭ تەرىڭىز ارالاس نەمەسە مايلى تەرى بولسا ونى ءجيى تازالاۋ تەرىنىڭ تابيعيلىعىن بۇزىپ، قۇرعاتىپ، شەكتەن تىس سەزىمتال ەتەدى. بەتتى كۇنىنە ەكى مارتە تازالاپ، اپتاسىنا ءبىر رەت پيلينگ جاساۋ جەتكىلىكتى.
8. كومپيۋتەر الدىندا كوپ وتىرۋ
«ساندىق قارتايۋ» دەگەن تەرميندى ەستۋىڭىز بار ما؟ بۇل تەرمين جاقىندا عانا پايدا بولعان. گادجەتتەردىڭ، كومپيۋتەرلەردىڭ، تەلەديدار مەن باسقا دا تەحنيكالاردىڭ كوگىلدىر ءتۇسى تەرىنىڭ قالىڭ قاباتتارىنا ەنىپ، كوللاگەن مەن ءەلاستيننىڭ بولىنۋىنە سوقتىرادى. بۇل تەرىنىڭ سوزىلىمدىلىعىن ناشارلاتىپ، ءاجىمنىڭ ەرتە تۇسۋىنە جول اشادى.
دەرەككوزى: https://anabol.kz