بەيبىت شۇمەنوۆ گولوۆكينمەن بىرگە جاتتىعاتىن چەمپيونمەن ايقاسادى
ساۋدا- ساتتىقتا 821 مىڭ ا ق ش دوللارىن ۇسىنعان شۇمەنوۆتىڭ پروموۋتەرى دون كينگ جەڭىسكە جەتتى. بۇل، گۋلاميريان ۇسىنعان تاراپتىڭ سوماسىنان 200 مىڭعا كوپ. WBA ەرەجەسى بويىنشا، سىياقى شۇمەنوۆتىڭ پايداسىنا 55 كە 45 پايىزدىق قاتىناستا ۇلەستىرىلەدى. وسىلايشا، بەيبىت بۇل ايقاس ءۇشىن 451550 ا ق ش دوللارىن، ال ونىڭ قارسىلاسى - 369450 دوللار الادى. ساۋدانىڭ ەڭ تومەنگى مولشەرلەمەسى 200 مىڭ دوللار بولدى.
Boxingscene.com-نىڭ مالىمەتىنشە، جەكپە- جەك كەلىسىمشارتىنا ساۋدا- ساتتىق اياقتالعان ساتتەن 14 كۇننىڭ ىشىندە قول قويىلۋى ءتيىس. ول 15 -ءساۋىر كۇنى مونتە- كارلودا، 30 - ءساۋىر كۇنى قازاقستاندا نەمەسە 13 - مامىر كۇنى نيۋ- يورك قالاسىندا ءوتۋى مۇمكىن.
اتاپ وتەيىك، ارسەن گۋلاميريان قازاقستاندىق بوكسشىلار گەنناديي گولوۆكين، ءالي احمەدوۆ جانە رۋسلان مادييەۆ جاتتىعاتىن بيگ بەردا (كاليفورنيا شتاتى، ا ق ش) دايىندالىپ ءجۇر.