+7 (701) 759 90 19
6 °С : نۇر-سۇلتان
13 °С : الماتى
USD 388.96 EUR 432.21
RUB 6.09 CNY 54.99
جاڭالىقتار

بانكتەردىڭ كرەديت بەرۋى كەزىندە كوميسسيا الۋىنا تىيىم سالىندى

14 اقپان 15:53
:ءبولىسۋ
بانكتەردىڭ كرەديت بەرۋى كەزىندە كوميسسيا الۋىنا تىيىم سالىندى

استانا. قازاقپارات - ق ر ۇلتتىق بانكى ەكىنشى دەڭگەيلى بانكتەرگە جەكە تۇلعالاردى كرەديتتەۋ كەزىندە كوميسسيالاردىڭ جەكەلەگەن تۇرلەرىن الۋعا تىيىم سالدى، دەپ حابارلايدى قازاقپارات ءتىلشىسى.

«سوڭعى ەكى جىلدا ۇلتتىق بانكتىڭ باستاماسىمەن 2018 -جىلعى 2 - شىلدەدەگى جانە 2019 -جىلعى 21 - قاڭتارداعى زاڭداردىڭ اياسىندا قازاقستان رەسپۋبليكاسىنىڭ زاڭناماسىنا ەكىنشى دەڭگەيدەگى بانكتەردىڭ جەكە تۇلعالاردى كرەديتتەۋ كەزىندە كوميسسيالاردىڭ جەكەلەگەن تۇرلەرىن الۋىنا تىيىم سالاتىن وزگەرىستەر ەنگىزىلگەن بولاتىن. ەكىنشى دەڭگەيدەگى بانكتەردىڭ اي سايىنعى نەگىزدە كوميسسيالاردى الۋىن قىسقارتۋ ماقساتىندا ۇلتتىق بانك قارىزدى بەرۋمەن جانە قىزمەت كورسەتۋمەن بايلانىستى بانكتىك شوتتى جۇرگىزگەنى ءۇشىن، سونداي- اق كاسىپكەرلىك قىزمەتتى جۇزەگە اسىرۋمەن بايلانىستى ەمەس تاۋارلاردى، جۇمىستاردى جانە كورسەتىلەتىن قىزمەتتەردى ساتىپ الۋعا جەكە تۇلعالارمەن جاسالاتىن بانكتىك قارىز شارتتارى بويىنشا قارىزدى بانكتىك شوتقا اۋدارعانى (بەرگەنى) ءۇشىن كوميسسيالار بەلگىلەۋگە جانە الۋعا تىيىم سالدى» ، - دەپ اتاپ وتەدى ۇلتتىق بانك باسپا ءسوز قىزمەتىنەن.

ۇلتتىق بانك مالىمەتىنشە، تىيىم 2019 -جىلعى ناۋرىزدان باستاپ جاسالاتىن بانكتىك قارىز شارتتارىنا قولدانىلاتىن بولادى. 2019 -جىلدان باستاپ سىياقىمەن جانە تۇراقسىزدىق ايىبىمەن قاتار، بانكتەر جەكە تۇلعانىڭ كاسىپكەرلىك قىزمەتپەن بايلانىستى ەمەس يپوتەكالىق تۇرعىن ءۇي قارىزى شارتى بويىنشا مەرزىمى قاتارىنان كۇنتىزبەلىك 180 كۇن وتكەننەن كەيىن ەسەپتەلگەن قارىزدى بەرۋمەن جانە قىزمەت كورسەتۋمەن بايلانىستى كوميسسيالار مەن وزگە تولەمدەردى تالاپ ەتۋگە قۇقىلى ەمەس. سونىمەن قاتار، اعىمداعى جىلى ۇلتتىق بانك جىلجىمايتىن مۇلىك كەپىلىمەن يپوتەكالىق قارىز العان جەكە تۇلعا- قارىز الۋشىلاردىڭ قۇقىقتارىن قورعاۋ ماقساتىندا بانكتەرگە مەرزىمى كۇنتىزبەلىك 180 كۇن وتكەن سوڭ ەسەپتەلگەن سىياقىنى تولەۋدى تالاپ ەتۋىنە تىيىم سالدى.

«2019 -جىلعى 21 - قاڭتارداعى زاڭ قولدانىسقا ەنگىزىلگەنگە دەيىن (ياعني 2019.03.02. دەيىن) ەسەپتەلگەن جانە تولەنگەن سىياقىنىڭ قايتا ەسەپتەلمەيتىنىن بىلگەن دۇرىس. 2018 -جىلعى 2- شىلدەدەگى زاڭمەن قارىز بەرۋگە جانە وعان قىزمەت كورسەتۋگە بايلانىستى كوميسسيالار مەن وزگە تولەمدەر قارىز بويىنشا بەرەشەكتى وتەۋ كەزەكتىلىگىنە ەنگىزىلدى. 2019 -جىلعى 1 - اقپاننان باستاپ وزگەرىستەر كۇشىنە ەندى. وعان سايكەس بانكتەرگە قارىز الۋشىلاردى تولەنەتىن سىياقىنىڭ مولشەرى تۋرالى حاباردار ەتۋ ماقساتىندا سىياقى مولشەرلەمەسىنىڭ مولشەرىن جىلدىق پايىزبەن عانا ەمەس، سول سياقتى بەلگىلەگەن سومادا، ياعني ناقتى سوما مولشەرىندە كورسەتۋ مۇمكىندىگى بەرىلەدى. سىياقى مولشەرلەمەسىنىڭ مولشەرىن بەلگىلەنگەن سومادا ءبىر ايدان اسپايتىن مەرزىمگە بەرىلگەن قارىز، تولەم كارتوچكاسى بويىنشا كرەديتتىك جەلى شەڭبەرىندە بەرىلگەن قارىز، وۆەردرافت كرەديتى، سونداي- اق كرەديتتىك جەلى بەرۋ (اشۋ) تۋرالى كەلىسىم بويىنشا عانا بەلگىلەۋگە بولادى. بۇل رەتتە بەلگىلەنگەن سوماداعى سىياقى مولشەرلەمەسىمەن قارىزدار بويىنشا سىياقىنىڭ جىلدىق ءتيىمدى مولشەرلەمەسىنىڭ شەكتى مولشەرى زاڭنامادا بەلگىلەنگەن شەكتەۋدەن اسپاۋعا ءتيىس» ، - دەپ اتاپ وتەدى ۇلتتىق بانك.


باستى سوزدەر: بيلئك جانة ساياسات,
:ءبولىسۋ

اأتور:

novasa

پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات