+7 (701) 759 90 19
6 °С : نۇر-سۇلتان
13 °С : الماتى
USD 388.96 EUR 432.21
RUB 6.09 CNY 54.99
جاڭالىقتار

كيىك، ارقار ەتىن قويدىكى دەپ كورسەتەتىن فاكتىلەر كوپ

14 اقپان 16:26
:ءبولىسۋ
كيىك، ارقار ەتىن قويدىكى دەپ كورسەتەتىن فاكتىلەر كوپ

استانا. قازاقپارات - ق ر اۋىل شارۋاشىلىعى مينيسترلىگى براكونەرلەرمەن كۇرەس سالاسىنداعى زاڭ بۇزۋشىلىقتاردى جاريالادى. قىلمىسكەرلەرگە قۇقىق قورعاۋشىلار عانا ەمەس، ساراپتاما جاسايتىن ماماندار دا كومەكتەسىپ جاتادى، دەپ حابارلايدى قازاقپارات ءتىلشىسى.

ورمان شارۋاشىلىعى جانە جانۋارلار دۇنيەسى كوميتەتىنىڭ ءتوراعاسى قايىر رىسكەلدينوۆتىڭ ايتۋىنشا، ساراپتاما جاساۋ كەزىندە كيىك نەمەسە ارقار سياقتى سيرەك كەزەدەسەتىن جانۋارلاردىڭ ەتىن قوي ەتى دەپ كورسەتۋ فاكتىلەرى از ەمەس. ال تاركىلەنگەن ولىكتەردىڭ سانى ادەيى ازايتىپ جازىلادى.

«بۇگىندە وسى سالادا ساراپتاما جاسايتىن مەكەمەلەر كوپ. ارنايى كۋالىكتى الادى دا، ساراپتاما جاساي بەرەدى. ماسەلەن، وسىدان ءۇش جىل بۇرىن «وحوتزووپروم» - نىڭ ينسپەكتورلارى ن. ش. كىشكەنتايەۆ دەگەن ازاماتى ۇستادى. ونىڭ كولىگىن تەكسەرۋ كەزىندە تەرىسى سىپىرىلعان ارقاردىڭ ۇشاسى تابىلدى. اتالعان فاكت بويىنشا قاراعاندى وبلىسى اقتوعاي اۋدانىنىڭ ىشكى ىستەر ءبولىمى قىلمىستىق ءىس قوزعادى. ال ساراپتاما قورىتىندىسىندا ارقاردىڭ ۇشاسى "ءۇي جانۋارى" بولىپ شىقتى. ول ساراپتامانى جەكە كاسىپكەر س. ز. كوپبايەۆ وتكىزدى. ونىڭ جازىپ بەرگەن قورىتىندىسى نەگىزىندە قىلمىستىق ءىس توقتاتىلدى» ، - دەدى ق. رىسكەلدينوۆ پارلامەنت ماجىلىسىندە وتكەن دوڭگەلەك ۇستەل وتىرىسىندا.

جەكە كاسىپكەر كوپبايەۆتىڭ زاڭسىز ارەكەتتەرى ونىمەن شەكتەلمەيدى. قاراعاندى وبلىسىنىڭ نۇرا اۋداندىق ىشكى ىستەر ءبولىمى ج. ك. نۇرتايەۆقا قاتىستى قىلمىستىق ءىستى قوزعاعان بولاتىن. ونىڭ جەكە كولىگىنەن كيىكتىڭ 38 ءمۇيىزى تابىلدى.

«وسى قىلمىستىق ءىس بويىنشا ساراپتامانى دا جەكە كاسىپكەر س. ز. كوپبايەۆ جۇرگىزگەن. قولدا بار مالىمەتتەرگە سايكەس، تەرگەۋ كەزىندە 38 ءمۇيىزدىڭ ءبارى زىم- زيا جوق بولىپ كەتكەن. ونى ساراپشى كوپبايەۆتىڭ ءوزى جوعالتتى دەپ اشىق كورسەتىلگەن. قاراعاندى وبلىسىنىڭ نۇرا اۋداندىق ىشكى ىستەر ءبولىمى كوپبايەۆقا قاتىستى قىلمىستىق ءىس قوزعادى. ءبىراق ارتىنان ول ءىس توقتاتىلدى» ، - دەپ اتاپ كورسەتتى ق. رىسكەلدينوۆ.

رەسمي مالىمەتكە سايكەس، براكونەرلەرگە قاتىستى قىلمىستىق ىستەردىڭ 41 پروتسەنتى عانا سوتقا ءتۇسىپ جاتادى. ال تۇرمەگە قامالعانداردىڭ سانى نەبارى 9,5 پروتسەنتتى قۇرايدى. بەس جىلدىڭ ىشىندە براكونەرلەرگە تيەسىلى 379 كولىك قۇرالىنىڭ 37ءسى عانا تاركىلەندى.


باستى سوزدەر: قوعام,
:ءبولىسۋ

اأتور:

novasa

پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات