قىزدار سمارتفونمەن ءبىلىم الادى، ۇلدار ويىن وينايدى - زەرتتەۋ
الايدا، The New York Times باسىلىمىنىڭ جازۋىنشا، ءتۇرلى زەرتتەۋلەر ناتيجەسىندە عالىمدار ۇل بالالار قولىنا ءموبيلدى تەلەفون، پلانشەت السا، ويىن وينايتىنىن، ال قىزدار قولىنا تۇسكەن تەحنولوگيانى ءبىلىم الۋ ءۇشىن پايدالاناتىنىن انىقتاعان.
«وسى اپتادا جاريالانعان زەرتتەۋگە 5-17 جاس ارالىعىنداعى 2900 قىز بەن ۇل بالا قاتىسقان. مامانداردىڭ ايتۋىنشا، قىزدار سماتفون، پلانشەت، نوۋتبۋك پەن ويىن قۇرىلعىلارىن پايدالانعاندا ۇلداردان ەش كەم تۇسپەگەن. سونىمەن قاتار، عالىمدار انىقتاعانداي، ۇلدار بۇل قۇرىلعىلاردى كوبىنە ويىن ويناۋ ءۇشىن پايدالانسا، قىزدار تەحنولوگيالاردى جاڭا ءبىلىمدى مەڭگەرۋ ءۇشىن قولدانعان» ، - دەپ جازادى باسىلىم.
اۆتوردىڭ ايتۋىنشا، ەر بالالاردىڭ 81 پايىزى ويىن ويناسا، قىزداردىڭ 72 پايىزى جاڭا ءبىلىم مەڭگەرگەن. سونىمەن قاتار قىزدار ۇلدارعا قاراعاندا قولىنداعى تەحنولوگيالاردان كوبىرەك كىتاپ وقىعان (قىزدار - 40 پايىز، ۇلدار 28 پايىز ) .