+7 (701) 759 90 19
6 °С : نۇر-سۇلتان
13 °С : الماتى
USD 388.96 EUR 432.21
RUB 6.09 CNY 54.99
جاڭالىقتار

تاۋارلارى تاڭبالاۋ قانداي ناتيجە بەرەدى

14 اقپان 15:05
:ءبولىسۋ
تاۋارلارى تاڭبالاۋ قانداي ناتيجە بەرەدى

استانا. قازاقپارات - پارلامەنت سەناتىنىڭ جالپى وتىرىسىندا «ەۋرازيالىق ەكونوميكالىق وداقتا تاۋارلاردى سايكەستەندىرۋ قۇرالدارىمەن تاڭبالاۋ جونىندەگى كەلىسىمدى راتيفيكاتسيالاۋ تۋرالى» زاڭى قابىلداندى، دەپ حابارلايدى قازاقپارات.

كەلىسىمگە الماتى قالاسىندا 2018 -جىلدىڭ 2 - اقپانىندا قول قويىلدى.

«كەلىسىمنىڭ نەگىزگى ماقساتتارى تاۋارلار اينالىمىنىڭ زاڭدىلىعىن قامتاماسىز ەتۋ، تۇتىنۋشىلاردىڭ قۇقىعىن قورعاۋ، كولەڭكەلى ەكونوميكانى ازايتۋ، بيۋدجەتكە سالىقتاردىڭ ءتۇسىمىن ارتتىرۋ، وداق اۋقىمىندا بيزنەستى جۇرگىزۋدەگى باسەكەلەستىك شارتتارىن تەڭەستىرۋ بولىپ تابىلادى. كەلىسىمنىڭ ەرەجەسى تاڭبالاۋ ەنگىزۋدىڭ ءتارتىبى مەن مەرزىمىن بەلگىلەۋدى، تاۋارعا سايكەستەندىرۋ قۇرالدارىنىڭ جانە ولاردى تاۋارلارعا جەلىمدەۋدىڭ ءبىرىڭعاي تالاپتارىن، ەۋرازيالىق ەكونوميكالىق وداققا مۇشە- مەملەكەتتەر اراسىندا تاڭبالانعان تاۋارلار تۋرالى بەرىلەتىن مالىمەتتەردىڭ قۇرىلىمى مەن قۇرامىن رەتتەيدى» ، - دەدى ق ر قارجى ۆيتسە- ءمينيسترى قانات باەدىلوۆ.

اتاپ ايتقاندا، كەلىسىم بويىنشا كەدەندىك وداق اۋماعىنا اكەلىنگەن جانە وداق اۋماعىندا وندىرىلگەن تاۋارلار تاڭبالاۋعا جاتادى. بۇل رەتتە، تاۋارلاردى كەدەندىك وداق اۋماعىنان تىسقارى جەرلەردە دە تاڭبالاۋعا رۇقسات ەتىلەدى. تاڭبالاناتىن تاۋارلاردىڭ تىزبەسى وداققا كىرەتىن ەلدەردىڭ ۇسىنىسى بويىنشا ەۋرازيالىق ەكونوميكالىق كوميسسيا كەڭەسىمەن ءبىراۋىزدان بەكىتىلەدى. ول ءۇشىن تاڭبالاۋ ەنگىزۋدىڭ ماقساتقا ساي ەكەندىگى تۋرالى تولىق تالداۋ ۇسىنۋ قاجەت.

ۆيتسە- ءمينيستردىڭ سوزىنە قاراعاندا، كەيبىر جاعدايلاردا تاۋارلار تاڭبالاۋعا جاتپايدى. مىسالى، وندىرىلگەن تاۋارلاردى وداقتىڭ كەدەندىك اۋماعىنان سىرتقا شىعارعان جاعدايدا جانە جەكە تۇلعالاردىڭ ءوز قاجەتتىلىگى ءۇشىن اكەلگەن تاۋارلاردى تاڭبالاۋدىڭ قاجەتى جوق.

«ايتا كەتكەن ءجون، بۇگىنگى تاڭدا تاڭبالاۋ ينستيتۋتى الەمنىڭ كوپتەگەن دامىعان ەلدەرىندە قالىپتى جاعدايدا قولدانىلۋدا. تاۋارلاردىڭ ءاربىر بىرلىگىن تاڭبالاۋ، ونى يمپورتتاۋشىدان جانە وندىرۋشىدەن باستاپ سوڭعى تۇتىنۋشىعا دەيىن قاداعالاۋ ەكونوميكانى سيفرلاندىرۋدىڭ ءتيىمدى قۇرالدارىنىڭ ءبىرى بولادى. كەلىسىمدى ىسكە اسىرۋ رەسپۋبليكالىق بيۋدجەتتەن قارجى شىعارۋدى قاجەت ەتپەيدى» ، - دەدى ول.


باستى سوزدەر: قوعام,
:ءبولىسۋ

اأتور:

novasa

پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات