+7 (701) 759 90 19 Лента
-5 °С : استانا
-1 °С : الماتى
USD 376.26 EUR 425.63
RUB 5.68 CNY 55.61
جاڭالىقتار

استانا اۋەجايىندا العاش رەت ەلەكتروندى وتىرعىزۋ تالونى ەنگىزىلدى

14 اقپان 12:56 155
:ءبولىسۋ
استانا اۋەجايىندا العاش رەت ەلەكتروندى وتىرعىزۋ تالونى ەنگىزىلدى

استانا. قازاقپارات - نۇرسۇلتان نازاربايەۆ حالىقارالىق اۋەجايىنىڭ ت1 جانە ت2 تەرمينالدارىندا «ePassenger» باعدارلاماسى ىسكە قوسىلدى.

جاڭا جۇيە موبيلدى وتىرعىزۋ تالونىن قولداناتىن جولاۋشىلارعا قىزمەت كورسەتۋگە ارنالعان، دەپ حابارلايدى قازاقپارات ءتىلشىسى.

ق ر ي ي د م ازاماتتىق اۆياتسيا كوميتەتىنىڭ فەيسبۋكتەگى پاراقشاسىندا جاريا ەتىلگەن مالىمەتكە سايكەس، اتالعان تەحنولوگيا قازىردە الەمنىڭ ءىرى اۋەجايلارىندا قولدانىسقا ەنگىزىلگەن. قىزمەت كورسەتۋ جۇيەسىنە سايكەس، ەلەكتروندى وتىرعىزۋ تالونى بار جولاۋشىلار وسى قۇجات بويىنشا ۇشۋ الدىنداعى تەكسەرۋدەن وتەدى. ەندى جولاۋشىلاردىڭ ەلەكتروندى تاسىمالداۋشى قۇرال ەكرانىنداعى وتىرعىزۋ تالونىن سكانەرلەۋ ارقىلى تەكسەرۋدەن ءوتۋ مۇمكىندىگى بار. بۇل سمارتفون نەمەسە پلانشەت بولۋى مۇمكىن. قاعاز كوشىرمەسى قاجەت ەمەس.

«بۇل جاعدايدا قول جۇگى بار جولاۋشى ۇشاق رەيىسىنە كومپيۋتەر نەمەسە موبيلدى قۇرىلعى ارقىلى تىركەلىپ، ال ارنايى 2D باركودى بار وتىرعىزۋ تالونى جولاۋشىعا ەلەكتروندى پوچتا ارقىلى جىبەرىلەدى»، - دەپ اتاپ وتەدى كوميتەتتەن.

ەستەرىڭىزگە سالا كەتەيىك، بۇدان بۇرىن رەيسكە تىركەلۋ كەزىندە جولاۋشى وتىرعىزۋ تالونىن الىپ، ونىمەن ستەريلدىك ايماققا كىرەردە ارنايى تەكسەرۋدەن ءوتىپ، ۇشاققا وسى تالونىن كورسەتكەننەن كەيىن وتىراتىن. بۇل رەتتە جولاۋشى وتىرعىزۋ تالونىن ءوزى باسىپ شىعارىپ نەمەسە ونى اۋە كومپانياسىنىڭ تىركەۋ ورنىنان الاتىن. وسىلايشا، ەلوردا اۋەجايىنداعى اتالعان قىزمەت كورسەتۋ پروتسەسى جولاۋشىلاردىڭ رەيسكە تىركەلۋىن ايتارلىقتاي جەڭىلدەتىپ، ۋاقىتتارىن ۇنەمدەيدى.


باستى سوزدەر: بيلئك جانة ساياسات,
:ءبولىسۋ

اأتور:

novasa

ونلاين قىزمەتكەرلەر
مۇراعات