بەلگىسىز ارۋمەن قۇشاقتاسقان ديماش كوپشىلىكتى ۆالەنتين كۇنىمەن قۇتتىقتادى
ءانشى تىڭدارماندارىن ءدۇر سىلكىندىرگەن سۋرەتتەردىڭ كليپتەن الىنعان كادرلار ەكەنىن ءتۇسىندىردى دەپ جازادى NUR. KZ.
ديماشتىڭ ايتۋىنشا، يسپانيادا ءتۇسىرىلىپ جاتقان كليپتىڭ جانرى فانتازيالىق باعىتتا ەكەن.
«قۇرمەتتى، تىڭدارماندارىم! سىزدەرگە «ليۋبوۆ ۋستاۆشەي لەبەدي» كليپىنىڭ تۇسىرىلىمنەن بىرنەشە سۋرەت كورسەتپەكپىن. بۇل ۆيدەونىڭ ديرەكتورى الان بودايەۆ. ايتا كەتەيىك، كليپىم فانتازيالىق باعىتتا تۇسىرىلمەك. ۆالەنتين كۇنى قۇتتى بولسىن!»، - دەپ جازدى ءانشى.
جەلى قولدانۋشىلارى ءانشىنىڭ جاڭا ىسىنە ساتتىلىك تىلەپ، وزدەرىنىڭ كليپتى اسىعا كۇتەتىندەرىن جەتكىزدى.
«قۇتتىقتايمىز»، «كليپتى اسىعا كۇتەمىز»، «وتە ەرەكشە»، «كليپىڭىزدىڭ تۇسىرىلگەلى جاتقانىن ەستىگەنمىن. ءبىراق سۋرەتتەردى كورگەننەن كەيىن، كليپتى اسىعا كۇتەتىن بولامىن».
«ءسىزدى دە ۆالەنتين كۇنىمەن قۇتتىقتايمىز»، «جارايسىڭ، ديماش! قاي ءىستى باستاساڭ دا، جولىڭ اق بولسىن»، «ديماش، ەندى كليپتى تەزىرەك شىعارىڭىز» دەپ جارىسا جازدى جەلىدەگىلەر.