+7 (701) 759 90 19 Лента
-15 °С : استانا
-10 °С : الماتى
USD 375.95 EUR 425.80
RUB 5.74 CNY 55.94
جاڭالىقتار

ا ق ش سەناتورلارى رەسەيگە قارسى جاڭا سانكسيالار ازىرلەدى

14 اقپان 10:51 255
:ءبولىسۋ
ا ق ش سەناتورلارى رەسەيگە قارسى جاڭا سانكسيالار ازىرلەدى

 استانا. قازاقپارات - ا ق ش سەناتىنىڭ مۇشەلەرى رەسپۋبليكاشىل ليندسي گرەم مەن دەموكرات روبەرت مەنەندەس رەسەيگە قارسى جاڭا سانكسيالار جوباسىن ازىرلەدى.

شەكتەۋ شاراسى رەسەيدىڭ وزگە ەلدەردەگى سايلاۋلارعا ارالاسۋ ىقتيمالدىعىنا جانە ۋكرايناداعى جاعدايعا بايلانىستى قابىلدانباق.

قۇجات رەسەيلىك ءبىرقاتار بانكتەر، ەنەرگەتيكا كومپانيالارى مەن رەسەيدىڭ تاۋەلسىز بورىشىنا قىزمەت كورسەتەتىن جۇيەلەرگە شەكتەۋ ەنگىزۋدى كوزدەيدى دەپ حابارلايدى Reuters. اگەنتتىكتىڭ جازۋىنشا، سانكسياعا سۇيىتىلعان تابيعي گازعا قاتىستى رەسەيلىك جوبالار دا ىلىگۋى مۇمكىن.

جۋرناليستەردىڭ مالىمەتىنشە، ا ق ش سەناتورلارى رەسەي پرەزيدەنتى ۆلاديمير پۋتينمەن بايلانىستاعى جانە جەمقورلىققا قاتىسى بار جەكە تۇلعالارعا قارسى شەكتەۋ ەنگىزۋدى دە ۇسىنعان.

زاڭ جوباسىندا كەرچ بۇعازىندا ۋكراينالىق اسكەري كەمەلەرگە شابۋىلداپ، باسىپ العانى ءۇشىن رەسەي فەدەرالدىق قاۋىپسىزدىك قىزمەتىنىڭ (ف س ب) 24 قىزمەتكەرىنە قارسى سانكسيا ەنگىزۋ قاراستىرىلعان.

گرەم مەن مەنەندەس بۇعان دەيىن وتكەن جىلى جازدا ماسكەۋگە قارسى سانكسيا ەنگىزۋدى ۇسىنعان. ول جولى قابىلدانباي قالعان زاڭ جوباسىندا رەسەي مەملەكەتتىك قارىزىن ساتىپ الۋعا شەكتەۋ قويۋ، رەسەيلىك بانكتەردىڭ ا ق ش- تاعى شوتتارىن بۇعاتتاۋ ءتارىزدى شارالار قاراستىرىلعان ەدى. بۇل جولى سەناتورلار بۇرىنعىدان دا قاتاڭ ۇسىنىستار جاساپ وتىر دەپ حابارلايدى Reuters.

ا ق ش سەناتورلارىنىڭ باستاماسى تۋرالى حابارلاردان كەيىن ماسكەۋ بيرجاسىندا ءرۋبلدىڭ دوللار مەن ەۋروعا شاققانداعى باعامى ارزانداعان.

 

12 اقپاندا باق ەۋروپا وداعى مەن ا ق ش رەسەيگە قارسى جاڭا سانكسيالار ازىرلەپ جاتقانى، شەكتەۋ شاراسى رەسەيدىڭ وتكەن جىلى قاراشادا قىرىم جاعالاۋى ماڭىندا «شەكارادان زاڭسىز وتكەن» دەگەن سىلتاۋمەن ۋكراينانىڭ اسكەري كەمەلەرى مەن 24 تەڭىزشىسىن ۇستاپ العانىنا بايلانىستى ەنگىزىلەتىنى تۋرالى حابارلاعان.

رەسمي كيەۆ رەسەيدىڭ ءىس-ارەكەتىن اگرەسسيالىق اكتى دەپ باعالادى جانە ءوز تەڭىزشىلەرىن اسكەري تۇتقىندار دەپ اتايدى. رەسەي بيلىگى ۋكراين تەڭىزشىلەرى قاساقانا ارانداتۋعا باردى دەپ مالىمدەگەن. ماسكەۋدىڭ پىكىرىنشە، رەسەي مەن ۋكراينا ءبىر-بىرىمەن سوعىسىپ جاتپاعاندىقتان تەڭىزشىلەردى اسكەري تۇتقىن دەۋگە كەلمەيدى.


باستى سوزدەر: الةم,
:ءبولىسۋ

اأتور:

novasa

ونلاين قىزمەتكەرلەر
رەداكتور
كۇنسۇلتان وتارباي
كۇنسۇلتان وتارباي
954-049
رەداكتور
باقىتجول كاكەش
باقىتجول كاكەش
954-049
مۇراعات