+7 (701) 759 90 19 Лента
-5 °С : استانا
-1 °С : الماتى
USD 376.26 EUR 425.63
RUB 5.68 CNY 55.61
جاڭالىقتار

الماتىدا حالىق اتى اڭىزعا اينالعان «قارا مايورمەن» قوشتاسىپ جاتىر

14 اقپان 10:10 198
:ءبولىسۋ
الماتىدا حالىق اتى اڭىزعا اينالعان «قارا مايورمەن» قوشتاسىپ جاتىر

الماتى. قازاقپارات - اۋعان سوعىسىنىڭ ارداگەرى، جاۋىنگەرلەر اراسىندا «قارا مايور» اتانعان، ق ر قارۋلى كۇشتەرىنىڭ وتستاۆكاداعى پولكوۆنيگى بوريس كەرىمبايەۆتى اقتىق ساپارعا شىعارىپ سالۋ ءراسىمى وفيتسەرلەر ۇيىندە ءوتىپ جاتىر، دەپ حابارلايدى قازاقپارات.

مارقۇممەن قوش ايتىسۋعا ونىڭ دوستارى، اسكەريلەر، ارىپتەستەرى كەلدى. ودان سوڭ 28 پانفيلوۆشىلار پاركىندەگى اۋعان سوعىسىندا قازا بولعاندارعا ارنالعان ەسكەرتكىش ماڭىندا ميتينگ وتەدى.

اتى اڭىزعا اينالعان قارا مايوردىڭ 71 جاسىنا قاراعان شاعىندا كوز جۇمعانى تۋرالى بۇرىن حابارلاعان بولاتىنبىز.


الماتىدا حالىق اتى اڭىزعا اينالعان «قارا مايورمەن» قوشتاسىپ جاتىر

بوريس توكەن ۇلى كەرىمبايەۆ 1948-جىلى 12- قاڭتاردا الماتى وبلىسىنىڭ جامبىل اۋدانىندا دۇنيەگە كەلگەن. 1970-جىلى ۆ. ي. لەنين اتىنداعى تاشكەنت اسكەري ۋچيليشەسىن ءتامامداعان. 1980-1983-جىلدارى اۋعان سوعىسىنا قاتىسىپ، ارنايى تاپسىرمالاردى ورىندايتىن مۇسىلمان باتالونىنىڭ كومانديرى بولدى.


الماتىدا حالىق اتى اڭىزعا اينالعان «قارا مايورمەن» قوشتاسىپ جاتىر

ساۋاتتى باسشىلىقتىڭ ارقاسىندا باتىر كومانديردىڭ ساربازدارى از شىعىنعا ۇشىراپ، كوبىنەسە جەڭىسكە جەتىپ وتىرعان. پاندشەر شاتقالىندا مودجاحەدتەردىڭ اتاقتى قولباسشىسى احماد شاح ماسۋدتىڭ اسكەرىمەن سوعىسقان. ونىڭ ەرلىگى اڭىزعا اينالىپ «قارا مايور» دەگەن لاقاپ اتى كۇللى ايماققا جايىلعان. 1992-جىلى دەنساۋلىعىنا بايلانىستى پولكوۆنيك شەنىمەن وتستاۆكاعا شىقتى. باتىر تۋرالى «قارا مايور» فيلمى تۇسىرىلگەن.


باستى سوزدەر: قوعام,
:ءبولىسۋ

اأتور:

novasa

ونلاين قىزمەتكەرلەر
مۇراعات