ەلوردالىقتار قار تازالانباسا الەۋمەتتىك جەلى ارقىلى شاعىمدانا الادى

استانا. قازاقپارات - 2018-2019-جىل قىسقى ماۋسىم باستالعالى بەرى قالانى قاردان، مۇزدان، مۇزدى سەڭ مەن سۇڭگىلەردەن تازالاۋ بويىنشا iKomek ورتالىعىنا 4638 ءوتىنىش كەلىپ ءتۇستى، دەپ حابارلايدى قازاقپارات قالا اكىمدىگىنىڭ سايتىنا سىلتەمە جاساپ.

سەرۆيستى الدەقايدا ساپالى ۇسىنۋ ءۇشىن ورتالىق قىزمەتكەرلەرى تۇرعىنداردى قىراعى بولىپ، بەلگىلى ءبىر جايت ورىن العان جاعدايدا، سۋرەتكە/ۆيدەوعا ءتۇسىرىپ، iKomek ورتالىعىنا مىناداي جولدارمەن جىبەرۋگە شاقىرادى: Telegram چات-بوتى؛ اكىمدىكتىڭ astana.gov.kz سايتى؛ الەۋمەتتىك جەلىلەردەگى جاريالانىمداردى #astana109 حەشتەگىن بەلگىلەۋ: Facebook؛ Instagram؛ Telegram-ارنا.