پرەزيدەنت ساياساتتىڭ نەگىزگى باعىتىن اتادى
سول جەردە مەملەكەت باسشىسى قازىرگى ساياساتتىڭ نەگىزگى باعىتىن اشىپ بەردى، دەپ حابارلايدى قازاقپارات ءتىلشىسى.
«بۇگىنگى ۋاقىت وتە جىلدام. قاتاردان قالماۋ ءۇشىن بىزگە ەرەكشە ءبىر جىلدامدىقپەن ءجۇرۋ كەرەك. ارينە، ەڭ باستىسى، ول - تەحنيكا، تەحنولوگيا جانە عىلىم. سەبەبى اتالعان سالالار ەلدىڭ دامۋىنا سەرپىن بەرەدى. ال ىشكى الاۋىزدىق، سوعىستار مەن كوشى-قون كەدەرگى جاسايدى. تىنىشتىق پەن تۇراقتىلىق بولسا عانا عىلىم دا، جاستار دا داميدى»، - دەدى ن. نازاربايەۆ سالتاناتتى شارادا.
پرەزيدەنتتىڭ ايتۋىنشا، الەمدە قازاقتاردى جاقسى بىلەدى. قازاقستان حالقىنا سەنەدى. سەبەبى حالقىمىز كوپتەگەن ۇلتتاردى ءبىر شاڭىراقتىڭ استىنا جيناي ءبىلدى.
«بىرگە ءومىر سۇرۋگە ۇيرەندىك. ءوزىمىزدى سىيلايمىز، جانىمىزدا تۇرعان كورشىنى دە سىيلاۋدى بىلەمىز. مىنە، ءدال وسى ماسەلە - بارلىق ساياساتىمىزدىڭ وزەگى. ءبىز پاتريوتپىز، ءبىراق باسقا ادامداردى، باسقا مەملەكەتتەردى دە سىيلايمىز. وسىلايشا، مەن جاستاردى تاربيەلەيمىن. ءسويتىپ، العا جىلجىپ كەلەمىز»، - دەپ اتاپ كورسەتتى ەلباسى.
ايتا كەتەيىك، شارا بارىسىندا مەملەكەت باسشىسى تابىسقا جەتۋدىڭ جولىن ايتتى. سونداي-اق قولعا العان ءىستىڭ حاس شەبەرى بولۋدىڭ ماڭىزدىلىعىن جەتكىزدى.