+7 (701) 759 90 19 Лента
-6 °С : استانا
-1 °С : الماتى
USD 377.62 EUR 426.03
RUB 5.67 CNY 55.78
جاڭالىقتار

بايراعى جەردە تاپتالعان ەل كوردىم - اسكەري جۋرناليست نازگۇل كەنجەتاي

14 اقپان 07:34 281
:ءبولىسۋ
بايراعى جەردە تاپتالعان ەل كوردىم - اسكەري جۋرناليست نازگۇل كەنجەتاي

استانا. قازاقپارات - «قازاقستانداعى 100 جاڭا ەسىم» جوباسىنىڭ ەكىنشى كەزەڭ جەڭىمپازدارىنىڭ ءبىرى - اسكەري جۋرناليست نازگۇل كەنجەتەي.

بۇگىن ول ق ر پرەزيدەنتى نۇرسۇلتان نازاربايەۆقا ءوزىنىڭ جۇمىس تاجىريبەسى تۋرالى ايتىپ بەردى، دەپ حابارلايدى قازاقپارات ءتىلشىسى.

«مەن 23 جاستامىن. 2013-جىلى مەكتەپتى ءبىتىرىپ، تۇركيانىڭ مەملەكەتتىك گرانتىن جەڭىپ الدىم. سول ارقىلى جۋرناليستيكانى تاڭدادىم. قازىر حالىقارالىق فوتوجۋرناليست ءارى اناليتيكپىن. فوتوجوبالارىم، كوبىنەسە، ەۋروپادا جاريالانادى. وتانسىزدىقتىڭ ءجۇزى، بوسقىنداردىڭ احۋالى، سابيلەردىڭ كوز جاسى - وسىنىڭ ءبارىن سۋرەتكە ءتۇسىرۋ ارقىلى الەم جۇرتشىلىعىنا جەتكىزگىم كەلدى. ءسويتىپ، اسكەري جۋرناليست اتاندىم»، - دەدى ن. كەنجەتاي «100 جاڭا ەسىم» جوباسىنىڭ ەكىنشى كەزەڭىنە ارنالعان سالتاناتتى شارادا.

نازگۇلدىڭ فوتولارى شەتەلدە جىلدىڭ ۇزدىك جوبالارى دەپ تانىلدى. الايدا، ونىڭ نەگىزگى ماقساتى - وتانسىزدىقتىڭ نە ەكەنىن كورسەتۋ، بەيبىتشىلىكتىڭ قانشالىقتى باعالى ەكەنىن جەتكىزۋ. وسى ورايدا اسكەري جۋرناليست پرەزيدەنتكە بەيبىتشىلىكتى ساقتاۋ جولىنداعى ەڭبەگى ءۇشىن العىس ءبىلدىردى.

«وزدەرىڭىز جاقسى بىلەسىزدەر، الەمدە ساياسي، ديپلوماتيالىق، ستراتەگيالىق جانە تاعى باسقا سەبەپتەرگە بايلانىستى كوپتەگەن قاقتىعىستار ورىن الىپ جاتىر. سول قاقتىعىستاردىڭ ءبىرى - تاياۋ شىعىستاعى سيريا. 2014-جىلدان بەرى ستۋدەنتتىك كەزدەن باستاپ وسى ماسەلەلەردى جاقىنىراق زەرتتەۋدى قولعا الدىم. ادامزاتتىڭ باسىنا كەلگەن بۇل پروبلەمانى زەرتتەۋ ارقىلى تەڭىزدە ءبىر تامشى بولسام دا، الەمگە، ادامزاتقا كومەگىم تيسە ەكەن دەيمىن. مەن ەمەس، ماماندىعىم مەنى تاڭدادى. وسىلايشا، جاس مامان ءۇشىن جاۋاپكەرشىلىگى وتە اۋىر جولعا شىقتىم. وسى جولدا «ءجاناتتا ازىق كوپ پە؟» دەپ سۇراعان ءسابيدى كوردىم... وزەندەي اعىپ، جوق بولىپ كەتكەن ءبىر مەملەكەت كوردىم. بوسىپ كەتكەن حالىقتى كوردىم. بايراعى جەردە تاپتالعان ەل كوردىم جانە سول بايراعىن قورعاي الماعان ەر كوردىم. وسىنىڭ ءبارىن كوردىم دە، قولىمنان كەلگەنشە الەمگە كورسەتۋگە تىرىستىم. ماقساتىم وتانسىزدىقتىڭ نە ەكەنىن كورسەتۋ ەدى. قۇرمەتتى نۇرسۇلتان ءابىش ۇلى، مەن وتانسىزدىقتىڭ نە ەكەنىن ءوز كوزىممەن كورگەن جان رەتىندە ءسىزدىڭ بەيبىتشىلىك جولىنداعى ەڭبەگىڭىزدىڭ وڭايشىلىقپەن كەلمەگەنىن ۇقتىم. ءوزىمنىڭ «وتانسىزدىقتىڭ ءجۇزى» اتتى جوبام ارقىلى بارشا وتانداستارىمدى قولدا بار التىننىڭ قادىرىن بىلۋگە شاقىرامىن»، - دەپ اتاپ كورسەتتى ن. كەنجەتاي.

ايتا كەتەيىك، «100 جاڭا ەسىم» تىزىمىنە 29 جاستاعى ەرجان سالىمگەرەيەۆ تە ەندى. ول ءۇشىنشى سىنىپتا وقىپ جۇرگەندە ترانسفورماتوردىڭ ىشىنە كىرىپ، توققا ءتۇسىپ قالعان. سول كەزدە ءبىر قول جانە ءبىر اياعىنان ايىرىلدى. ءبىراق قيىنشىلىققا مويىماي، حالىقارالىق دارەجەدەگى سپورت شەبەرى، الەم كۋبوگىنىڭ ءتورت دۇركىن يەگەرى، ازيا ويىندارىنىڭ ەكى مارتە جەڭىمپازى دارەجەسىنە دەيىن جەتتى.

بۇگىنگى شاراعا 11-سىنىپتى بىتىرگەنشە 10 مەكتەپتى اۋىستىرعان كاسىپكەر دە قاتىستى. لاريون لياننىڭ جوعارى ءبىلىمى بولماسا دا، ول ءوز كومانداسىن جاساقتاپ، ءىرى بانكتىڭ تاپسىرىسىن الدى. حولدينگتىڭ باسشىسى اتاندى.


باستى سوزدەر: بيلئك جانة ساياسات,
:ءبولىسۋ

اأتور:

novasa

ونلاين قىزمەتكەرلەر
مۇراعات