+7 (701) 759 90 19 Лента
-2 °С : استانا
1 °С : الماتى
USD 377.62 EUR 426.03
RUB 5.67 CNY 55.78
جاڭالىقتار

باقىتتى بىردە-ءبىر ميللياردەر كورمەدىم - نۇرسۇلتان نازاربايەۆ

13 اقپان 21:57 334
:ءبولىسۋ
باقىتتى بىردە-ءبىر ميللياردەر كورمەدىم - نۇرسۇلتان نازاربايەۆ

استانا. قازاقپارات - ەڭبەگىڭمەن تاپقان تابىس قانا باقىتقا جەتكىزەدى. بۇگىن «قازاقستاننىڭ 100 جاڭا ەسىمى» جەڭىمپازدارىمەن كەزدەسۋى بارىسىندا ەلباسى نۇرسۇلتان نازاربايەۆ وسىلاي ايتتى، دەپ حابارلايدى قازاقپارات ءتىلشىسى.

«جۇمىستى ەڭ كوپ ىستەيتىن ۇلت - وڭتۇستىك كورەيا. بالانى 5 جاسقا دەيىن تاربيەلەۋ كەرەك، ودان كەيىن پايداسىز. ونى قوعام، بالاباقشا، مەكتەپ تاربيەلەيدى. ولار 5 جاسقا دەيىن تيىسپەيدى، ۇرمايدى. ال ودان كەيىن سومكەسىن ارقالاپ، ءومىر بويى تاڭەرتەڭنەن كەشكە دەيىن جۇرەدى. جاپوندار دا، كورەيلەر دە سولاي جۇمىس ىستەيدى جانە «ەگەر سەن انا ۋنيۆەرسيتەتكە تۇسە الماساڭ، ناشار ءومىر سۇرەتىن بولاسىڭ» دەپ ايتادى. ماقساتتى ميىنا ءسىڭىرىپ العاننان كەيىن ونىمەن كۇنى-ءتۇنى اينالىسادى. سولاي ءبىلىمدى، ەڭ كوپ جۇمىس ىستەيتىن ۇلتقا اينالدى. ياعني، ەڭبەكتىڭ ارقاسىندا»، - دەدى پرەزيدەنت.

مەملەكەت باسشىسى ەڭبەكسىز جەتكەن تابىس باقىت بولىپ سانالمايتىندىعىن باسا ايتتى.

«باي اتا-انادان مۇرا الۋعا بولادى. ءبىراق، ول بەرەكە بولمايدى. ومىردە كورگەن، تاجىريبەلى ادام رەتىندە ايتايىن، 10-20 ميلليارد اقشاسى بولا تۇرا باقىتتى بولعان بىردە-ءبىر ميللياردەر كورمەدىم. وزىنە-ءوزى قول جۇمساعان نەمەسە تۇرمەدەگى ميللياردەرلەردىڭ ءتىزىمىن دە كەلتىرە الامىن. بۇل قاراجات سەنى باقىتتى جاسايتىنداي كورىنۋى مۇمكىن. ءبىراق ءوز ەڭبەگىڭمەن تاپقان تابىس سەنى باقىتتى قىلادى. سوندىقتان كوبىرەك ارمانداڭدار. سەندەرگە تابىس تىلەيمىن. مىنا مەملەكەت، مەنىڭ قۇرداستارىم، ءبىزدىڭ بۋىن قۇرعان مەملەكەت سەندەر ءۇشىن، بالالارىڭ مەن نەمەرەلەرىڭ ءۇشىن»، - دەدى ن. نازاربايەۆ.


باستى سوزدەر: بيلئك جانة ساياسات,
:ءبولىسۋ

اأتور:

novasa

ونلاين قىزمەتكەرلەر
مۇراعات