21:32, 13 - اقپان 2019 | GMT +6
ەلباسى «قارا مايوردىڭ» قايتىس بولۋىنا بايلانىستى كوڭىل ايتتى
استانا. قازاقپارات - ەلباسى پارلامەنت ءماجىلىسىنىڭ دەپۋتاتى باقىتبەك سماعۇلدى قابىلدادى، دەپ حابارلايدى اقوردا.
مەملەكەت باسشىسى كەڭەس اسكەرلەرىنىڭ اۋعانستاننان شىعارىلعانىنا 30 جىل تولۋ قارساڭىندا وتكىزىلگەن بۇل كەزدەسۋدىڭ سيمۆولدىق ءمانى بار ەكەنىن اتاپ ءوتىپ، وسى ەلدەگى اسكەري ءىس-قيمىلدارعا قاتىسقان ازاماتتار مەن ارداگەرلەردى ايتۋلى كۇنمەن قۇتتىقتادى.
سونداي-اق، ەلباسى اۋعان سوعىسىنىڭ ارداگەرى، قازاقستان رەسپۋبليكاسى قارۋلى كۇشتەرىنىڭ پولكوۆنيگى بوريس كەرىمبايەۆتىڭ قايتىس بولۋىنا بايلانىستى ونىڭ تۋعان-تۋىسقاندارىنا كوڭىل ايتتى.
باقىتبەك سماعۇل نۇرسۇلتان نازاربايەۆقا «قازاقستان ارداگەرلەرى» اۋعانستانداعى سوعىس ارداگەرلەرى ۇيىمدارىنىڭ قاۋىمداستىعى تاراپىنان اتقارىلعان جۇمىستار مەن كەڭەس اسكەرلەرىنىڭ اۋعانستاننان شىعارىلعانىنا 30 جىل تولۋىنا وراي وتكىزىلىپ جاتقان ءىس-شارالار تۋرالى مالىمدەدى.