پرەزيدەنت بولاشاعى بار سالالاردى اتادى
«قازىر ناقتى قاي باعىتتارعا باسىمدىق بەرۋ كەرەك؟ ول - جاساندى ينتەللەكت، اقپاراتتىق تەحنولوگيالار، بيوينجەنەريا، نانوتەحنولوگيالار. ءدال وسى سالالار ءبىزدى العا جەتەلەيدى. سول سەبەپتى ءبىز ەكسپو كورمەسى وتكەن جەردە ستارتاپپەن اينالىساتىندارعا ۇلكەن زەرتحانالار اشتىق. قازىر ولار ءوز جوبالارىنان كوممەرتسيالىق پايدا تاپسىن دەپ، كومەك كورسەتىپ جاتىرمىز» ، - دەدى ن. نازاربايەۆ.
وسى ورايدا پرەزيدەنت «100 جاڭا ەسىم» جوباسىنا ەنگەن ءاربىر ادامنىڭ ءومىرى مەن ەڭبەك جولىن كەڭىنەن ناسيحاتتاۋ قاجەتتىگىن دە جەتكىزدى. سەبەبى ولار ءوز ءىسىنىڭ حاس شەبەرى اتانىپ، باستاعان ءىستى اياعىنا دەيىن جەتكىزىپ، بيىك بەلەستەردى باعىندىرا ءبىلدى.
«ولار تۋرالى ايتىپ، كوپشىلىككە كورسەتۋ كەرەك. ءاربىر ادام ول جەكە رومان، ءوز الدىنا بولەك فيلم. جاستاردى وسى تاجىريبەنىڭ نەگىزىندە تاربيەلەۋ كەرەك. مەن ىلعي ايتامىن، ادامنىڭ مۇمكىندىكتەرى شەكسىز، كەز كەلگەن نارسەنى ىستەۋگە بولادى» ، - دەپ اتاپ كورسەتتى ن. نازاربايەۆ.
ايتا كەتەيىك، بۇگىن استاناداعى «قازمەديا» ورتالىعىندا ەلباسى نۇرسۇلتان نازاربايەۆتىڭ «قازاقستاننىڭ 100 جاڭا ەسىمى» جوباسىنىڭ ەكىنشى كەزەڭى جەڭىمپازدارىمەن كەزدەسۋى ءوتتى. ولاردىڭ ىشىندە 29 جاستاعى ەرجان سالىمگەرەيەۆ تە بار. ول ءۇشىنشى سىنىپتا وقىپ جۇرگەندە ترانسفورماتوردىڭ ىشىنە كىرىپ، توققا ءتۇسىپ قالدى. سول كەزدە ءبىر قول جانە ءبىر اياعىمنان ايىرىلدى. ءبىراق قيىنشىلىققا مويىماي، حالىقارالىق دارەجەدەگى سپورت شەبەرى، الەم كۋبوگىنىڭ ءتورت دۇركىن يەگەرى، ازيا ويىندارىنىڭ ەكى مارتە جەڭىمپازى دارەجەسىنە دەيىن جەتتى. سول جەردە مەملەكەت باسشىسى تابىسقا جەتۋدىڭ جولىن ايتتى. "ءبىر ديپلومدى پايداعا جاراتا الماساڭ، ءتورت ديپلومنىڭ قاجەتى قانشا؟ "، - دەيدى ن. نازاربايەۆ.