+7 (701) 759 90 19 Лента
-5 °С : استانا
-1 °С : الماتى
USD 376.26 EUR 425.63
RUB 5.68 CNY 55.61
جاڭالىقتار

اقىن قىز ەلباسىنا ماحاببات جايلى ولەڭ وقىپ بەردى

13 اقپان 19:09 348
:ءبولىسۋ
اقىن قىز ەلباسىنا ماحاببات جايلى ولەڭ وقىپ بەردى

استانا. قازاقپارات - جاس اقىن ماقپال تاجماعانبەتوۆا ق ر پرەزيدەنتى نۇرسۇلتان نازاربايەۆتىڭ «قازاقستاننىڭ 100 جاڭا ەسىمى» جەڭىمپازدارىمەن كەزدەسۋى بارىسىندا ماحاببات جايلى ولەڭ وقىدى، دەپ حابارلايدى قازاقپارات ءتىلشىسى.

«ءبىز تاۋەلسىزدىك تۋدىرعان ەسىمدەرمىز. الاشتىڭ رۋحى بولىپ قايناعان قارا قازاننىڭ سۋى سارقىلعان جوق. بۇگىندە مەن سياقتى قالام تەربەپ جۇرگەن جاستار سول قاسيەتتى سۋدىڭ ءبىر- ءبىر ءمولدىر تاپشىسى. شىعارماشىلىق جولىما كەلسەم، ولەڭدەرىم الەمنىڭ بىرنەشە تىلدەرىنە اۋدارىلىپ، سول ەلدەردىڭ انتولوگيالىق جىر- جيناقتارىندا جارىق كوردى. ءوزىم دە وزگە تىلدەگى ولەڭدەردى قازاق تىلىنە ءتارجىمالادىم» ، - دەپ اتاپ ءوتتى ول.

جاس اقىن شىعارماشىلىعىنداعى جۇلدىزى جارقىراعان ءساتى ەلباسى قورى ۇيىمداستىرعان «التىن توبىلعى» رەسپۋبليكالىق بايقاۋىندا باس جۇلدەگە يە بولۋى ەكەندىگىن ايتتى. تاريحي تاقىرىپتا جازىلعان «شوقان ابىز» داستانى جوعارى باعا العانىن اتاپ ءوتتى.

 «مۇنىڭ بارلىعى ءوزىڭىز كوشىن باستاعان قازاق جۇرتىنىڭ قاسيەتتى تاۋەلسىزدىگىنىڭ ارقاسى دەپ بىلەمىن. بۇگىنگىدەي ادامزات بالاسىنىڭ اقىل- ويى الامانعا تۇسكەن زاماندى ءبىزدىڭ ادەبيەتىمىزدىڭ كوركەيىپ، كەمەلدەنۋى اسا ماڭىزدى. جان تازارماي دۇنيە تازارمايدى. ادامدار ءبىر- ءبىرىنىڭ قادىرىنە جەتىپ، باعالاي بىلسە، جاقسى كورىپ باقىت سىيلاسا. ءومىر دەگەن وسى ءبىر ادامي قۇندىلىقتاردان تۇرادى. وسى جوبا بارىسىندا مينيستر باستاعان توپ مەنەن پاتريوتتىق تاقىرىپتا ولەڭ وقۋىمدى وتىنگەن ەدى. ءبىراق، مەن سول قاعيدانى بۇزعىم كەلىپ تۇر. رۇقسات ەتسەڭىز ماحاببات جايلى ولەڭ وقىپ بەرسەم» ، - دەگەن ماقپال «الىستاما» دەپ اتالاتىن ولەڭىن وقىپ بەردى.


باستى سوزدەر: قوعام,
:ءبولىسۋ

اأتور:

novasa

ونلاين قىزمەتكەرلەر
مۇراعات