+7 (701) 759 90 19 Лента
-6 °С : استانا
-1 °С : الماتى
USD 377.62 EUR 426.03
RUB 5.67 CNY 55.78
جاڭالىقتار

ۇستىرتتە كوزگە تۇسكەن قابىلانعا «تاۋ شەرى» ەسىمى بەرىلدى

13 اقپان 22:56 366
:ءبولىسۋ
ۇستىرتتە كوزگە تۇسكەن قابىلانعا «تاۋ شەرى» ەسىمى بەرىلدى

 استانا. قازاقپارات - وتكەن جىلى ۇستىرتتە فوتوتۇزاققا ىلىنگەن قابىلانعا «تاۋ شەرى» دەگەن ەسىم بەرىلدى.

بۇل تۋرالى ق ر ا ش م ورمان شارۋاشىلىعى جانە جانۋارلار الەمى كوميتەتىنىڭ باسپا ءسوز حاتشىسى ساكەن دىلداحمەت فەيسبۋك پاراقشاسىندا جازدى، دەپ حابارلايدى قازاقپارات.

«دوستار! ءبىزدىڭ قابىلانعا «تاۋ شەرى» دەگەن ەسىم بەرىلدى. وتكەن جىلى ءۇستىرت مەملەكەتتىك تابيعي قورىعىنىڭ قىزمەتكەرلەرى فوتوتۇزاققا ءبىرىنشى رەت قابىلاندى ءتۇسىرىپ العان بولاتىن. سول تۇستا قورىق قىزمەتكەرلەرى قابىلاندى زەرتتەۋدى باستاعان. ەكسپەديتسيا قورىتىندىسى بويىنشا ماماندار مىسىق تۇقىمداستاردىڭ سيرەك كەزدەسەتىن ءتۇرى - الدىڭعى ازيالىق قابىلاننىڭ جۇرگەنىن راستادى» ، - دەپ جازادى ساكەن دىلداحمەت.

وسىعان بايلانىستى ق ر اۋىل شارۋاشىلىعى مينيسترلىگى ورمان شارۋاشىلىعى جانە جانۋارلار دۇنيەسى كوميتەتى 12-16 جاس ارالىعىنداعى جانە 16 جاستان اسقان وقۋشىلار اراسىندا «قابىلانعا ەسىم بەر» اتتى بايقاۋ جاريالاعان. اقىرى، بايقاۋ بارىسىندا 70 سۋرەت پەن 80 ۇسىنىس كەلىپ تۇسكەن.


ۇستىرتتە كوزگە تۇسكەن قابىلانعا «تاۋ شەرى» ەسىمى بەرىلدى

 «سەكسەنگە تارتا ۇسىنىستىڭ ىشىندە تورەشىلەر ءبىر اۋىزدان «تاۋ شەرى» دەگەن اتتى تاڭداپ الدى. جەڭىمپاز - شايىر اۋىلىنىڭ تۇرعىنى ءاليا ومار قىزى. بايقاۋدى وتكىزۋدە باس دەمەۋشى قازاقستان بيوارتۇرلىلىگىن ساقتاۋ قاۋىمداستىعى بولدى» ، - دەيدى ساكەن دىلداحمەت.


باستى سوزدەر:
:ءبولىسۋ

اأتور:

novasa

سونداي-اق... وقىڭىز
ونلاين قىزمەتكەرلەر
مۇراعات