قازاقستان مەن وزبەكستان اراسىندا ۇشاقتار ءجيى قاتىنايتىن بولدى
ق ر ي ي د م ازاماتتىق اۆياتسيا كوميتەتىنەن حابارلاعانداي، حالىقارالىق اۋە تاسىمالىن دامىتۋ بويىنشا تۇراقتى جۇمىس جالعاسىپ جاتىر.
«ماسەلەن، 2019 -جىلعى كوكتەم- جاز ناۆيگاتسياسى باستالا سالىسىمەن «ەير استانا» جانە «O'zbekiston Havo Yo'llari» اۋە كومپانيالارىنىڭ ءارقايسىسى الماتى مەن تاشكەنت باعىتىنداعى رەيستەردى اپتاسىنا 7 دەن 10 عا دەيىن جانە استانا- تاشكەنت باعىتىنداعى رەيستەردى اپتاسىنا 4 تەن 6 عا دەيىن كوبەيتەدى. وسىلايشا، قازاقستان مەن وزبەكستان اراسىنداعى اۋە رەيستەرىنىڭ جالپى سانى اپتاسىنا 22 دەن 32 رەيسكە دەيىن ارتتى. رەيسەتر E190 جانە A320 ءتيپتى ۇشاقتارمەن ورىندالادى» ، - دەپ حابارلادى كوميتەتتەن.
اۋە رەيستەرىنىڭ كوبەيۋى باۋىرلاس ەلدەر اراسىنداعى قارىم- قاتىناستى ودان ءارى نىعايتۋعا، سونداي- اق وزبەكستانداعى قازاقستان جىلىن تابىستى وتكىزۋگە مۇمكىندىك بەرمەك.