كىتاپ جازۋ ءۇشىن ايەلىن ولتىرگەن جازۋشى الەم نازارىن وزىنە اۋداردى
ونىڭ ءبىرىنشى ايەلىنەن اجىراسىپ، قارىنداسىنا ۇيلەنگەننەن كەيىن جازۋشىلىق قابىلەتى ويانعان. الايدا ونىڭ جانتۇرشىگەرلىك قىلمىس جايلى كىتاپ جازۋ ءۇشىن ءوز ايەلىن ولتىرگەنىن ەستىگەن جۇرت جاعاسىن ۇستادى دەپ جازادى bigpicture.ru سايتىنا سىلتەمە جاساعان NUR. KZ.
نازارلارىڭىزعا ريچارد كلينكحاممەر جايلى جەتى فاكتىنى ۇسىنامىز.
1. ول ءوزىنىڭ ءبىرىنشى ايەلى لەونتين ۆان ەممەريكپەن باقىتتى ءومىر سۇرگەن.
الايدا ونىڭ ءبىر انادان تۋعان قارىنداسى حانني جازۋشىعا سەزىمىن مويىندايدى.
ءوزىنىڭ 13 جاسىنان بەرى ريچاردقا عاشىق ەكەنىن ايتقان حانني ونىمەن 19 جاسىنان باستاپ كوڭىلدەس بولا باستايدى.
اقىر سوڭىندا جازۋشىنىڭ ءبىرىنشى ايەلى بۇل جايلى ءبىلىپ قويىپ، اجىراسىپ كەتەدى.
2. كلينكحاممەر ەكىنشى رەت شاڭىراق كوتەرگەننەن باستاپ قىلمىس جايلى كىتاپ جازا باستاعان.
ول كىتابى ارقىلى قىلمىستى قالاي جاساعانىن ەگجەي-تەگجەيلى كوپشىلىككە بايانداپ وتىرىپتى.
3. جازۋشى ءۇيىنىڭ اينالاسىنا شۇڭقىر قازۋدى ادەتكە اينالدىرعان.
ريچاردتىڭ بۇل ءىسى ءتىپتى دوستارىن دا تاڭعالدىرىپتى. اۋلاسىنان ادام دەنەسى سياتىنداي ور قازعان جازۋشى ول جەرگە سىرا جاشىكتەرىن ساقتايتىن بولعان.
4. كلينحاممەر حاننيدى ءولتىرىپ، ءولىم ءساتىن كىتابىندا بايانداعان.
وتباسىلىق ۇرىس كەزىندە حانني جازۋشىنى ۇيىنەن قۋىپ شىقپاق بولىپ، قولىنا لوم ۇستاپ تۇرادى. الايدا ريچارد ول لوممەن حاننيدىڭ ءوزىن ولگەنشە ۇرعان.
سودان كەيىن ول ايەلىنىڭ دەنەسىن اۋلاسىنداعى شۇڭقىرعا كومىپ، ۇستىنەن بەتون قۇيىپ تاستاپتى. ال مۇنىڭ بارلىعىن «سرەدا، دەن فارشا» كىتابىندا ايتىپ بەرگەن.
5. جازۋشىنى ايەلىنىڭ ولىمىنە كىنالاعان. الايدا ناقتى دالەل تابىلماپتى.
ريچاردتىڭ ءوزى ايەلىنىڭ ولىمىنەن ءۇش كۇن وتكەندە پوليتسياعا ارىزدانادى. ال كورشىلەرى ولاردىڭ ۇرىسى جايلى ايتقاندا، العاشقىلاردىڭ ءبىرى بولىپ كۇدىككە جازۋشى ىلىگەدى. الايدا ءۇيىنىڭ ءبارىن اقتارعانىمەن، پوليتسيا ەشقانداي ايعاق تابا المايدى.
6. حاننيدىڭ دەنەسىن ۇيگە جاڭادان كوشىپ كەلگەندەر تاپقان.
1997-جىلى كلينكحاممەردىڭ جوعالعان ايەلى زاڭدى تۇردە قايتىس بولعاندار تىزىمىنە ەنەدى. سول كەزدە جازۋشى ءۇيدى ساتىپ، امستەردامعا كوشەدى.
ال ءۇيدى ساتىپ العان ادام ەسكى سارايدى بۇزىپ، ورنىنا جاڭاسىن سالماق بولعان. سول كەزدە حاننيدىڭ سۇيەگىن تابادى.
ساراپتاما ناتيجەسىندە ونىڭ حانني ەكەنى انىقتالىپ، جازۋشى قاماۋعا الىنادى.
7. 68 جاستاعى كلينحاممەردى جەتى جىلعا باس بوستاندىعىنان ايىرادى.
الايدا 2003-جىلى ونىڭ تەرىس ارەكەتى بولماعاندىقتان، تۇرمەدەن بوساتادى.
وسىدان كەيىن جازۋشى تاعى 13 جىل ءومىر ءسۇرىپ، 2016-جىلى ءوز-وزىنە قول جۇمسايدى.