سپورتشىلار سۋ ىشىندە توبەلەسىپ قالدى

 استانا. قازاقپارات - سۋ دوبىنان رەسەيدىڭ ىشكى چەمپيوناتىنىڭ كەزەكتى تۋرىندا سپورتشىلاردىڭ قاتىسۋىمەن جاپپاي توبەلەس بولدى.

بۇل تۋرالى Eurosport.ru-عا سىلتەمە جاساعان NUR. KZ حابارلايدى.

وقيعا «سينتەز» بەن ۆولگوگرادتىق «سپارتاك» اراسىنداعى ويىن كەزىندە ورىن العان.

سپورتشىلاردىڭ قاقتىعىسى ويىننىڭ اياقتالۋىنا ءتورت مينۋت قالعاندا باستالىپتى.

كادردان توبەلەستىڭ جوبامەن ءبىر مينۋتقا سوزىلعانىن، كەيىنىرەك ەكى قۇرامانىڭ باپكەرلەرى دە سوزگە كەلىپ قالعانىن بايقاۋعا بولادى.

قوس كومانداعا قانداي جازا قولدانىلاتىندىعى الداعى ۋاقىتتا شەشىلەدى.

ايتا كەتەيىك، «سينتەز» بەن «سپارتاك» ىشكى چەمپيوناتتا 34 ۇپايمەن ەكىنشى ورىندى ءبولىسىپ تۇر.