+7 (701) 759 90 19 Лента
-15 °С : استانا
-10 °С : الماتى
USD 375.95 EUR 425.80
RUB 5.74 CNY 55.94
جاڭالىقتار

الماتىدا «باقىتتى وتباسى» كوپبالالى وتباسىلار ورتالىعى اشىلادى

15 اقپان 08:06 722
:ءبولىسۋ
الماتىدا «باقىتتى وتباسى» كوپبالالى وتباسىلار ورتالىعى اشىلادى

الماتى. قازاقپارات - الماتى بيلىگى كوپبالالى، كومەككە مۇقتاج وتباسىلاردى قولداۋعا باعىتتالعان جول كارتاسىن قۇرماق، دەپ حابارلايدى قازاقپارات ءتىلشىسى.

بۇگىن «نۇر وتان» پارتياسى بولىمشەسىنىڭ كەزەكتەن تىس كونفەرەنسياسى بارىسىندا قالا اكىمى باۋىرجان بايبەك «باقىتتى وتباسى» جوباسىن قولعا الۋدى تاپسىردى. ودان بولەك الەۋمەتتىك تۇرعىدان از قامتىلعان، كوپبالالى وتباسىلاردى قولداۋعا باعىتتالعان جول كارتاسىن جاساۋدى بۇيىردى.

ونىڭ ايتۋىنشا، مۇقتاج وتباسىلارعا اتاۋلى جانە الەۋمەتتىك كومەك كورسەتۋ پارتيانىڭ باستى مىندەتتەرىنىڭ ءبىرى بولىپ وتىر.

«كوپبالالى وتباسىلار زاڭ تۇرعىسىنان دا پسيحولوگيالىق تۇرعىدان دا كومەككە مۇقتاج بولاتىنى انىق. ءبىز ولارعا ارنايى سونداي ورتا قالىپتاستىرۋىمىز كەرەك. ول ءۇشىن «باقىتتى وتباسى» ورتالىعىن قۇرۋ كەرەك. بۇل ورتالىق كوپبالالى انالارعا جۇمىسقا تۇرۋ تاعى باسقا كومەك كورسەتۋمەن اينالىساتىن بولادى. الەۋمەتتىك تۇرعىدان از قامتىلعان وتباسىلاردى قولداۋعا باعىتتالعان كەشەندى مودەل ويلاستىراتىن ۋاقىت كەلدى. وعان مەملەكەت تاراپىنان كورسەتىلەتىن كومەك، اتاۋلى كومەك، الەۋمەتتىك تولەمدەر، دەمەۋشىلەردىڭ كومەگى كىرەتىن بولادى. از ۋاقىتتا ءار وتباسىعا كىرىپ، ولاردىڭ مۇقتاجدىعىنا كوز جەتكىزىپ، قايتا ارالاپ شىعۋ كەرەك. بۇل ءبىر رەتتىك جۇمىس ەمەس، بۇل جۇمىستار جۇيەلى تۇرىندە جۇرگىزىلەتىن بولادى»، - دەدى باۋىرجان بايبەك.

قالا اكىمى الەۋمەتتىك ءال-اۋقات جانە ستراتەگيا مەن بيۋدجەت باسقارماسىنا وسى ماسەلەلەر بويىنشا ناقتى ۇسىنىستار جاساۋدى تاپسىردى.


باستى سوزدەر: قوعام,
:ءبولىسۋ

اأتور:

novasa

ونلاين قىزمەتكەرلەر
رەداكتور
كۇنسۇلتان وتارباي
كۇنسۇلتان وتارباي
954-049
رەداكتور
باقىتجول كاكەش
باقىتجول كاكەش
954-049
مۇراعات