+7 (701) 759 90 19
6 °С : نۇر-سۇلتان
13 °С : الماتى
USD 388.96 EUR 432.21
RUB 6.09 CNY 54.99
جاڭالىقتار

باستىقتاردىڭ كابينەتتەرىن كىشىرەيتۋ اكسياسى باستالدى

15 اقپان 13:25
:ءبولىسۋ
باستىقتاردىڭ كابينەتتەرىن كىشىرەيتۋ اكسياسى باستالدى

استانا. قازاقپارات - «استانا - ادالدىق الاڭى» جوباسى اياسىندا جاڭا اكسيا باستالدى.

«جاڭا فورمات» اتتى باستامانىڭ نەگىزگى ماقساتى - مەملەكەتىك ورگان باسشىلارىنىڭ كابينەتتەرىن بارىنشا كىشىرەيتۋ. سونىڭ ارقاسىندا بيۋدجەتتىڭ ءبىراز قاراجاتىن ۇنەمدەۋگە بولادى. ال باستىقتاردىڭ وزدەرى حالىققا جاقىن بولادى، دەپ حابارلايدى قازاقپارات ءتىلشىسى جوبا كەڭسەسىنە سىلتەمە جاساپ.

«2018 -جىلى 5 -قازاندا قازاقستان حالقىنا جاساعان جولداۋىندا مەملەكەت باسشىسى ءتيىمسىز بيۋدجەت شىعىندارىن قىسقارتۋدى تاپسىردى. بۇدان بولەك، مەملەكەت پەن قوعامدى ءبىر-بىرىنە بارىنشا جاقىنداتۋ قاجەت. بۇگىندە كوپتەگەن باسشىلاردىڭ كابينەتتەرى تىم ۇلكەن. وندايدا بيۋدجەت قاراجاتى ءتيىمسىز جۇمسالادى. سەبەبى كەيبىر كابينەتتەردىڭ اۋدانى ءبىر بولمەلى پاتەرمەن بىردەي. ال كابينەتتەردىڭ اۋدانىن قىسقارتۋدىڭ ناتيجەسىندە بيۋدجەتتىڭ ءبىراز قاراجاتىن ۇنەمدەۋگە بولادى»، - دەلىنگەن رەسمي حابارلامادا.

وعان سايكەس، اكسيانىڭ العاشقى كەزەڭىندە مەكتەپ ديرەكتورلارىنىڭ كابينەتتەرىن وڭتايلاندىرۋ شارالارى جۇرگىزىلەدى. قازىردىڭ وزىندە بىرنەشە مەكتەپ اتالعان باستامانى قولدادى. ال باسشىلىقتىڭ كابينەتتەرىندە قوسىمشا ءبىلىم بەرۋ سىنىپتارى اشىلىپ وتىر. ديرەكتورلاردىڭ وزدەرى بولسا، ءبىرىنشى قاباتتاعى شاعىن كابينەتتەرگە كوشتى. اكسيانى ءبىرىنشى بولىپ قولداعان مەكتەپتەردىڭ ىشىندە №71-مەكتەپ- ليتسەيى، №17 جانە №80 -مەكتەپ- گيمنازيالارى بار.

«مەكتەپ ديرەكتورلارى ءبىرىنشى قاباتتا وتىرسا، حالىققا جاقىن بولادى. بيۋدجەت قاراجاتى دا ۇنەمدەلەدى. بۇل اكسيا باسقا دا مەملەكەتتىك ورگانداردا جالعاسادى»، - دەيدى «استانا - ادالدىق الاڭى» كەڭسەسىنىڭ ماماندارى.


باستى سوزدەر: بيلئك جانة ساياسات,
:ءبولىسۋ

اأتور:

novasa

پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات