قىزىل ءتۇستى ىدىسپەن تاماق جەۋ زياندى ءارى پايدالى

استانا. قازاقپارات - قىزىل ءتۇستى ىدىس اياققا سالىنعان اس ادامداردىڭ اسقا دەگەن تابەتىن تومەندەتەدى، دەيدى نەمىس ديەتولوگتارى.

ولاردىڭ ءبىر توپ ادامدى قاتىستىرىپ وتكىزگەن سىناعى وسىنى دالەلدەدى.

سىناققا قاتىسۋشىلارعا ءار ءتۇرلى ءتۇستى ىدىستارعا سالىنعان تاعامدار ۇسىنىلدى. ناتيجەسىندە قىزىل ءتۇستى ىدىستى تاڭداعاندار باسقالارعا قاراعاندا تاماقتى از جەگەن بولىپ شىقتى.

بريتاندىق ديەتولوگتار قاۋىمداستىعىنىڭ مامانى ۋرسۋلا ارەنستىڭ تۇسىندىرۋىنشە، قىزىل ءتۇس كوبىنە ۇرەي مەن قاۋىپتىڭ ءتۇسى رەتىندە قابىلدانادى. ديەتولوگتاردىڭ كەڭەسى بويىنشا، سالماق تاستاپ، ارىقتاعىسى كەلەتىندەر قىزىل ءتۇستى ىدىستاردى پايدالانۋى كەرەك ەكەن.