دەنيس تەن تۋرالى دەرەكتى فيلم ءتۇسىرىلدى

الماتى. قازاقپارات - الماتىدا دەنيس تەن تۋرالى دەرەكتى فيلم جارىققا شىعادى. بۇل تۋرالى دەنيس تەن قورى حابارلادى.

دەرەكتى كينونى 23 -اقپان مەن 3 -ناۋرىز ارالىعىندا بەكمامبەتوۆ سينەما كينوتەاترىنان كورۋگە بولادى. تۋىندى بەلگىلى سپورتشىنىڭ مۇزايدىنداعى شوۋى تۋرالى بولماق.

ەسكە سالساق، قازاقستاندىق مانەرلەپ سىرعاناۋشى دەنيس تەن 19 -شىلدە كۇنى پىشاق جاراقاتىنان قازا بولعان ەدى. وقيعا قۇرمانعازى مەن بايسەيىتوۆا كوشەلەرىنىڭ قيىلىسىندا 19 -شىلدەدە تۇسكى ساعات 15:00-دەر شاماسىندا بولدى. سپورتشى كولىگىنىڭ ايناسىن ۇرلاماق بولعان ەكى ادامنىڭ ۇستىنەن تۇسكەن. ارادا باستالعان جانجالدىڭ سالدارىنان ۇرىلار دەنيس تەننىڭ وڭ جاق سانىنىڭ جوعارعى تۇسىنان پىشاق سالدى. 25 جاستاعى تەن ءۇش ليتر قان جوعالتىپ، اۋرۋحاناعا وتە اۋىر جاعدايدا جەتكىزىلدى.

2,5 ساعاتقا جالعاسقان رەانيماتسيالىق شارالارعا قاراماستان، اۋرۋحانا دارىگەرلەرى تەننىڭ ومىرىنە اراشا تۇسە المادى. ساعات 17.30-دا وليمپيادا جۇلدەگەرى قايتىس بولدى.

17 -قاڭتاردا سپورتشىنىڭ ولىمىنە ايىپتى تۇلعالار سوتتالدى. قۇدايبەرگەنوۆ پەن قياسوۆ 18 جىلدان ارقالاسا، تولىبايەۆا 4 جىلعا سوتتالدى.