سيريادا لاڭكەستەرگە قارسى ەلدەردىڭ سوققىسىنان قازا تاپقان بەيبىت تۇرعىن سانى ارتتى

 استانا. قازاقپارات - سيريادا ا ق ش باستاعان وداقتاس ەلدەردىڭ لاڭكەستەرگە قارسى اۋە شابۋىلىنان قازا تاپقان بەيبىت تۇرعىنداردىڭ سانى 70-كە جەتتى.

بۇعان دەيىن دەير-ەز-زور ايماعىندا اسكەري وپەراتسيادان 4 تۇرعىن كوز جۇمعانىن حابارلاعانبىز. اقپارعا قاراعاندا مارقۇمدار ءبارى كولىككە وتىرىپ، ۇرىس ايماعىنان قاشىپ بارا جاتقاندا اتقىلانعان.

ەسكە سالا كەتەيىك، وتكەن اپتادا وپپوزيتسيالىق كۇشتەر ا ق ش-تىڭ قولداۋىمەن دەير- ەز- زور ايماعىنداعى «يراك جانە ليەۆانت لاڭكەستىك ۇيىمىنىڭ» سوڭعى بەكىنىستەرىن شابۋىلداۋعا كوشكەن.

مالىمەتكە قاراعاندا بۇل اۋداندا 600-دەن استام سودىر بەكىنگەن. وپپوزيتسيالىق جاساقتار ولارعا قارسى وپەراتسيا باستاماس ءۇشىن ايماقتان 20 مىڭ تۇرعىندى ەۆاكۋاتسيالاعان ەدى.

 

www.24.kz