+7 (701) 759 90 19 Лента
-15 °С : استانا
-10 °С : الماتى
USD 375.95 EUR 425.80
RUB 5.74 CNY 55.94
جاڭالىقتار

ەلوردادا كوپبالالى وتباسىلاردىڭ ءبىرىڭعاي ءتىزىمى جاسالدى

13 اقپان 09:07 347
:ءبولىسۋ
ەلوردادا كوپبالالى وتباسىلاردىڭ ءبىرىڭعاي ءتىزىمى جاسالدى

استانا. قازاقپارات - ەلوردالىق كوپبالالى وتباسىلاردىڭ ءبىرىڭعاي ءتىزىمى جاساقتالىپ، دەرەكقور قۇرىلدى.

بۇل تۋرالى استانا قالاسى اكىمىنىڭ ورىنباسارى ماليكا بەكتۇروۆا ءمالىم ەتتى، دەپ حابارلايدى قازاقپارات ءتىلشىسى.

«اكىمدىككە كەلىپ تۇسكەن بارلىق وتىنىشتەردى ءبىز تالدادىق. ونىڭ ناتيجەسىندە 267 ءوتىنىشتىڭ 260-نىڭ مەملەكەت تاراپىنان قاراستىرىلعان بارلىق جاردەماقى تۇرلەرىن الاتىندىعى انىقتالدى. قالعان ۇمىتكەرلەرگە بۇل جەڭىلدىكتەر تاعايىندالمايدى. سونداي-اق، ءبىلىم بەرۋ سالاسى بويىنشا 28 ءوتىنىش كەلىپ ءتۇستى، ونىڭ 8 ى بالاباقشاعا ورنالاستىرۋعا، 10 ى تەگىن تاماقتانۋعا رۇقسات سۇرادى. ونىڭ بارلىعىنا قولدانىستاعى ەرەجەگە ساي جاۋاپتار بەرىلدى»، - دەدى ول اكىمدىك وتىرىسىندا.

ودان بولەك، اكىم ورىنباسارى استاناداعى كوپبالالى وتباسىلاردىڭ تۇرمىستىق- الەۋمەتتىك جاعدايىن انىقتاپ، زەرتتەۋ ماقساتىندا ارنايى دەرەكقور قۇرىلعانىن ايتىپ ءوتتى.

«6 -اقپاننان باستاپ استاناداعى اۋدان اكىمدىكتەرىندە ۋچاسكەلىك كوميسسيا كۇندەلىكتى كوپبالالى جانە وتباسىلىق جاعدايى تومەن ازاماتتاردى قابىلداۋدا. ولارعا ءتيىستى كەڭەستەر مەن تۇسىنىكتەمە بەرىلۋدە. ءاربىر وتباسىنى جان-جاقتى زەرتتەۋ ءۇشىن ءبىز كوپبالالى وتباسىلاردىڭ دەرەكقورىن قۇرۋدى باستادىق. وندا وتباسى مۇشەلەرى تۋرالى مالىمەتتەردىڭ تول ى ۇ بازاسى بولادى. ودان سوڭ، ءار وتباسىنىڭ تۇرمىستىق جاعدايىن انىقتاي وتىرىپ، ولاردىڭ سۇراقتارى مەن الەۋتتىك جاعدايى قاداعالاناتىن بولادى»، - دەدى ول.

سونداي-اق، م. بەكتۇروۆا وتكەن اپتادا ەڭبەك جانە حالىقتى الەۋمەتتىك قورعاۋ مينيسترلىگىنە اكىمدىك تاراپىنان ۇسىنىستار جىبەرىلگەنىن تىلگە تيەك ەتتى. اتاپ ايتقاندا، ولار كوپبالالى وتباسىلارعا بەرىلەتىن جاردەماقى كولەمىن ەسەپتەۋدى قايتا قاراۋ جانە اتاۋلى الەۋمەتتىك كومەكتىڭ شەكتى مولشەرىن ارتتىرۋعا قاتىستى.


باستى سوزدەر: استانا, قوعام,
:ءبولىسۋ

اأتور:

novasa

ونلاين قىزمەتكەرلەر
رەداكتور
كۇنسۇلتان وتارباي
كۇنسۇلتان وتارباي
954-049
رەداكتور
باقىتجول كاكەش
باقىتجول كاكەش
954-049
مۇراعات