استانادا بالانى بالاباقشاعا ورنالاستىرۋ ءۇشىن نە ىستەۋ كەرەك
قازاقپارات «استانا اقشامى» گازەتىنە سىلتەمە جاساپ ەلوردادا مەكتەپكە دەيىنگى مەكەمەگە كەزەككە تۇرۋ جۇيەسىنىڭ جاي-جاپسارىن نازارعا ۇسىنادى.
الدىمەن اتا-انا ەلەكتروندى سيفرلىق قولتاڭبانى قولدانا وتىرىپ، e.astana.kz ەلەكتروندى جۇيەسىنە كىرۋى كەرەك. ودان كەيىن بالانىڭ اتى-ءجونى، ج س ن سياقتى قاجەتتى قۇجاتتار تولتىرىلادى. ەگەر اتا-انا جەڭىلدىگى بار ساناتتاعى ازاماتتار قاتارىنان بولسا، وندا جۇيەدە قوسىمشا ءتيىستى قۇجاتتار تىركەلەدى. وندا اتا-انانىڭ تەلەفون ءنومىرى مەن ەلەكتروندى مەكەنجايى مىندەتتى تۇردە كورسەتىلۋى ءتيىس.
SMS- حابارلاما العاننان كەيىن مەكتەپكە دەيىنگى ۇيىمدى تاڭداۋ ءۇشىن اتا-اناعا 3 جۇمىس كۇنى ۋاقىتى بەرىلەدى. وسى ۋاقىتتان كەيىن (4- كۇنى، تاڭعى ساعات 7:00-دە) كەزەگىنىڭ سانىنا قاراماستان، كەز كەلگەن اتا-انا بارلىق بالاباقشالارداعى بوس ورىنداردى كورۋگە مۇمكىندىك الادى. ەگەر اتا-انا بەرىلگەن ۋاقىت ىشىندە مەكتەپكە دەيىنگى مەكەمەنى تاڭداپ ۇلگەرمەسە، ولاردىڭ كەزەگى ساقتالادى.
بالاباقشا تاڭدالعاننان كەيىن بالاعا جولداما بەرىلەدى. وسى جولدامامەن 5 جۇمىس كۇنى ىشىندە كورسەتىلگەن مەكتەپكە دەيىنگى ۇيىمعا بارۋ قاجەت. ەگەر بارماعان جاعدايدا 30 كۇنتىزبەلىك كۇنگە دەيىن ۇزارتۋعا بولادى. وسى ۋاقىت ىشىندە تاڭداۋ جاساعان بالاباقشاداعى ورىن ساقتالادى.
ەگەر اتا-انا بالاباقشاعا جولداما العاننان كەيىن 5 جۇمىس كۇنى ىشىندە اتالعان مەكەمەگە بارماي، ۋاقىتتى دا سوزدىرماسا، جولداما اۆتوماتتى تۇردە جويىلىپ، 10 جۇمىس كۇنى ىشىندە توقتاتۋ تىزىمىنە جىبەرىلەدى. ءوتىنىم توقتاتىلعان تىزىمدە بولعان كەزدە، جولداما الۋ مۇمكىندىگى بۇعاتتالادى. ەگەر ءوتىنىش بەرۋشى جولدامانىڭ ۋاقىتىن ەكى رەت وتكىزىپ السا، بالا كەزەكتەن اۆتوماتتى تۇردە شىعارىلادى.
بالالار بالاباقشاعا ورنالاسقان سايىن كەزەك سانىنىڭ ازايىپ ياكي ءوسىپ كەتۋى دە مۇمكىن. بۇل جەڭىلدىگى بار ساناتتاعى ۇمىتكەرلەردىڭ كەزەككە تۇرۋ نەمەسە شىعۋىنا بايلانىستى.
جۇيە جەتى جاسقا تولعان بارلىق بالالاردى اۆتوماتتى تۇردە كەزەكتەن الىپ تاستايدى. سول سياقتى اتا-انا ءبىر جىل ىشىندە بالاباقشادان ورىن الۋعا قىزىعۋشىلىق تانىتپاعان جاعدايدا دا كەزەك جويىلادى.
ەگەر 3 جاستا نەمەسە ودان ۇلكەن بالا مەملەكەتتىك تاپسىرىس بويىنشا جۇمىس جۇرگىزەتىن جەكەمەنشىك بالاباقشاعا جولداما العان ۋاقىتتا كەزەك ءنومىرى ماڭىزدى بولمايدى. ال بالاباقشا كەزەگىندە تۇرعان بالاڭىز 4 جاستان اسسا، شاعىن ورتالىققا تەگىن جولداما الا الاسىز.
سونداي-اق كەز كەلگەن مەكتەپكە دەيىنگى ۇيىمعا، ونىڭ ىشىندە مەملەكەتتىك ءبىلىم بەرۋ تاپسىرىسى بويىنشا جۇمىس ىستەيتىن جەكەمەنشىك بالاباقشاعا جولداما العان جاعدايدا دا اۆتوماتتى تۇردە كەزەكتەن الىنادى. ويتكەنى بالانى مەكتەپكە دەيىنگى تاربيەمەن جانە وقىتۋمەن قامتاماسىز ەتۋ قىزمەتىنىڭ مۇمكىندىگى تەك ءبىر رەت بەرىلەدى.